गोरखा समाचारदाता
काठमाण्डौं – सोमबार नेपालमा एकैदिन २३९ जना कोरोना संक्रमण देखिएको छ ।
स्वास्थ्य तथा जनसंख्या मन्त्रालयका अनुसार देश भरका विभिन्न जिल्लामा गरी २३९ जनामा कोरोना संक्रमण देखिएको हो ।
मन्त्रालयले आज (सोमबार) गरेको पत्रकार सम्मेलनमा मन्त्रालयका प्रवत्ता डा.बिकास देवकोटाका अनुसार कञ्चनपुरमा ११ महिने बालिकासहित २३९ जनामा कोरोना पोजेटिभ देखिएको हो । योसँगै नेपालमा कुल संक्रमितको संख्या १ हजार ८११ पुगेको छ ।
पत्रकार सम्मेलनमा गराईएको जानकारी अनुसार विराटनगरमा भएको परीक्षणमा झापाका २ जना, पोखरामा भएको परीक्षणमा नवलपरासीका ३, कर्णाली स्वास्थ्य विज्ञान प्रतिष्ठानमा गरिएको परीक्षणमा ४३ जना, दैलेखका २४ र जुम्लाका १८ जना रहेका छन् ।
त्यस्तै गरी सुर्खेतमा भएको परीक्षणमा दैलेखका १७, सल्यानका १० र सुर्खेतका ५ गरी ३२ जनामा पोजेटिभ देखिएको छ ।
धुलिखेलमा परीक्षणमा कलिवस्तुका २, रौतहटका १८ जनामा संक्रमण देखिएको छ । राष्ट्रिय जनस्वास्थ्य प्रयोगशालामा भएको परीक्षणमा ९२ जनाको पोजेटिभ देखिएको छ । जसमा धनुषाका ७, कपिलवस्तुका ३८, महोत्तरीका २, मकवानपुरका १, सर्लाहीका ३८, सिरहाका ५ र उदयपुरका १ जनामा संक्रमण देखिएको छ ।
सेती प्रादेशिक अस्पतालमा भएको परीक्षणमा १८ जनामा पोजेटिभ देखिएको छ । जस अन्तरर्गत कैलाली १४ तथा अछाम, बैतडी, डोटी र कञ्चनपपुरमा १÷१ जनामा संक्रमण देखिएको छ ।
भेरी अस्पतालमा भएको परीक्षणमा बाँकेका ७ जनामा कोरोना संक्रमण देखिएको छ । राप्ती स्वास्थ्य विज्ञान प्रतिष्ठानमा भएको परीक्षण्मा दाङका ९ जनामा संक्रमण देखिएको छ ।
