गोरखा समाचारदाता
रौतहट – रौतहटमा स्थानीयवासी र प्रहरीबीच झडप भएको छ ।
को इशनाथ नगरपालिकामा कोरोना पुष्टि भएकालाई अन्यत्र आइसोलेसनका लागी लग्न खोज्दा झडप भएको हो ।
इशनाथ ७ को जोकहामा रहेको अनवारुल इस्लामीक मदरसामा रहेको क्वारेन्टाइनका २ व्यक्तिमा हिजो संक्रमण पुष्टि भएको थियो ।
कोरोना संक्रमित भएका दुवैलाई उपचारका लागी जिल्ला भित्रैको अर्को स्थानमा रहेको आइसोलेसनमा लग्न चिकित्सक र सुरक्षाकर्मी पुग्दा सो स्थानमा वादविवादले उग्र रुप लिएको थियो ।
संक्रमितहरुलाई अन्यत्र नलगेर सोही नगरपालिका भित्र उपचार गराउनुपर्ने भन्दै स्थानीयले विरोध गरेका हुन् । झडप नियन्त्रणमा लिन प्रहरीले झण्डै १२ राउण्ड हवाई फायर गरेको छ । झडपमा प्रहरीको गाडीहरु समेत तोडफोड भएको छ ।
झडपलाई नियन्त्रणमा लिन जिल्ला प्रहरी कार्यालय रौतहटबाट थप प्रहरी घटनास्थलतर्फ पुगि सकेको जिल्ला प्रहरी कार्यालय रौतहटले जनाएको छ ।
