गोरखा समाचारदाता
काठमाण्डौं – बेलायतको नेशनल हेल्थ सर्भिस (एनएचएस)ले कोरोना संक्रमितको उपचारमा इबोला बिरुद्धको औषधि प्रयोग गर्न स्वीकृति प्रदान गरेको छ ।
रेमडिसिभियर नामक उत्त औषधि संक्रमितको उपचारमा प्रभावकारी हुने देखिएपछि एनएचएसले प्रयोगका लागि अनुमति दिएको हो ।
रेमडिसिभियर कोरोना भाइरसविरुद्धको उपचारमा प्रयोग गर्नका लागि आवश्यक सबै प्रमाण रहेको एनएचएसले जनाएको छ । इबोलाको उपचारका लागि प्रयोग भएको रेमडिसिभियर एन्टी–भाइरल औषधि हो ।
यो औषधि भाइरसबाट संक्रमित भएका बिरामीलाई छिटो निको गर्न सहयोग हुने देखिएको छ । अमेरिकी कम्पनी गिलियाडले उत्पादन गरेको यो औषधिको प्रयोग अमेरिका र जापानमा यसअघि नै भैसकेको छ ।
