गोरखा समाचारदाता
काठमाण्डौं – नेपाल एअरलाइन्सको २ वटा विमान औषधी लिएर नेपाल आईपुगेका छन् ।
चीनको ग्वान्झाउबाट औषधि र मेडिकलजन्य सामग्री बोकेर वाइडवडी जहाज आज (शुक्रबार) बिहान त्रिभुवन अन्तर्राष्ट्रिय विमानस्थलमा अवतरण गरेका हुन् ।
फ्लास फ्रेटले र साङ्ग्रिला फ्रेटले जहाज चार्टर्ड गरेर औषधी तथा उपकरणहरु ल्याएका हुन् । यी जहाज बिहीबार साँझ ग्वान्झाउको लागि उडेका थिए ।
यसै बिच औषधी लिएर आएको एउटा विमान ओभरसुट गरिएको छ । धावनमार्गमा टच हुन लागेको बेला पाइलटले ठम्याउन नसक्दा जहाजले ओभरशुट गरेको त्रिभुवन विमानस्थल कार्यालयले जनाएको छ ।
ओभरशुट गरेको जहाज भीमफेँदी हुँदै निजगढमाथिको आकाशमा पुगेर फेरि त्रिभूवन विमानस्थलमा सफल अवतरण गरेको छ ।
