गोरखा समाचारदाता
गोरखा – गोरखा सदरमुकाममा ८० बर्षिया एक महिला मृत्त फेला परेकी छिन् ।
गोरखा नगरपालिका ६ को बैंक रोडमाको डेरामा उनी मृत्त भेटिएकी हुन् ।
गोरखा नगरपालिका ६ हरमटारी घर भएकी ८० बर्षिया चेतमायाँ राणा बैंक रोड गोरखाको भित्री भागमा रहेको डेरामा मृत्त भेटिईएकी जिल्ला प्रहरी कार्यालय गोरखाले जनाएको छ । मृक्तक राणाको शरिरमा किरा परिसकेकाले उनको केही दिन अगाडीनै मृत्यु भएको अनुमान गरिएको छ ।
गएको २ दशक देखी श्रीमान सहित अर्काकै जमिनमा काठले बारेर बस्दै आएका थिए । चेतमायाँ केही साता अगाडी देखी बिरामी भएकी थिइन । उनको मृत्यु के कारणले भएको हो त्यो भने पोष्टमार्टम रिर्पोट आए पछि मात्र भन्न सकिने जिल्ला प्रहरी कार्यालय गोरखाले जनाएको छ ।
श्रीमान विशेश्वर राणा संग बस्दै आएकी उनी दोश्रो श्रीमती हुन । नेपाली सेनाका पूर्व कर्मचारी समेत रहेका विशेश्रले श्रीमतीको मृत्यु भएको बिषयमा अज्ञानता जनाए । उनी आफै समेत असत्त हुन ।
बिगत केही दिन देखी उनले बिरामी श्रीमतीलाई उठाउने प्रयास गरेको बताए । ‘बिरामी श्रीमती नसकेर नउठेको होला भन्दै संगै सुत्दै आएको’ मृत्तकका श्रीमान विशेश्वरले बताए ।
धेरै दिन देखी छिमेकीले बृद्व श्रीमान श्रीमती नदेखे पछि आज (मंगलबार) दिउसो गएर सोधी खोजी गर्दा निकै दुर्गन्ध आएको र प्रहरीलाई खबर गरेको स्थानिय सरोज श्रेष्ठले बताए ।
अहिले मृत्तक चेतमायाँका सौता तर्फका छोराहरु सम्र्पकमा आएको र मृत्तकको शरिर गोरखा अस्पतालमा पोष्ट मार्टमका लागि लगिएको छ ।
मृत्तकको शरिरमा किरा परिसकेकोले उनको ३÷४ दिन अगावै मृत्यु भएको अनुमान स्थानिय र प्रहरीको छ ।
