गोरखा समाचारदाता

काठमाण्डौं – अहिले सामाजिक सञ्जालमा कोरोना भाइरसलाई जोडेर एक घटना व्यापक रुपमा फैलिरहेको छ ।

अमेरिकामा कोरोना भाइरस बनाउन मद्दत गरेको आरोपमा हार्वर्ड विश्वविद्यालयका प्रोफेसर डा.चार्ल्स लिबर पक्राउ परेको भन्दै केही सञ्चारमाध्यमले समेत खबर सम्प्रेषण गरेका छन् ।

उनले कोरोना भाइरस बनाएर चीनलाई बेचेका कारण पक्राउ गरिएको भनेर समेत लेखिएको छ । तर नझुक्किनुहोस्, प्रोफेसर डा.चार्ल्स पक्राउ पर्नु कोरोना भाइरससँग सम्बन्धित नै छैन ।

प्रोफेसर चार्ल्सलाई जासुसी तथा संवेदनशील जानकारी चीनलाई पठाएको आरोपमा पक्राउ गरिएको हो । डा.चार्ल्सले गत जनावरीमा अमेरिकीले चीनबाट प्राप्त गरेको कोषलाई “एक झुटो तथा काल्पनिक बयान” दिएको समेत आरोप लागेको छ । जसका कारण उनी पक्राउ परेका हुन् ।

डा.चार्ल्स अमेरिकामा पक्राउ परेको साँचो हो तर सामाजिक सञ्जालमा फैलिएको जस्तो कोरोना भाइरस बनाएको आरोपमा भने होइन ।

लेखकबाट थप:

• पार्टीकाे जिम्मेवारी सम्हालेका ३ सरकारी कर्मचारीलाई कारबाही सिफारिस
• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै
• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो
• प्रशासनकाे चेतावनी : मुस्ताङ र आसपासका क्षेत्रमा आगामी ३ दिन पदयात्रा नगर्नु