गोरखा समाचारदाता

गोरखा – नोबल कोरोना भाइरस (कोडिभ–१९) का कारण अत्यावश्यकीय सामाग्री खरिदका लागि दुरी कायम गर्न गोलो घेरा निर्माण गर्न सुरु गरिएको छ ।

गोरखा नगरपालिकाको सहयोगमा गोरखा प्रहरीले त्यस्ता घेराहरु बनाउन सुरु गरेको हो ।

सदरमुकामको पसलहरुमा सामान खरिद गर्न आउनेहरुका लागि सामाजिक दुरी कायम गर्ने गरी गोलो घेरा तयार गर्न थालीएको गोरखा नगरपालिकाका प्रशासकिय अधिकृत चेतनाथ अंगाईले बताए ।

सामान खरिद बिक्री गर्दा पनि मानिसहरुको भिड हुने र संक्रमित ब्यक्ति संगै रहेको खण्डमा अरुलाई पनि संक्रमण हुन सक्ने भन्दै दुरी कायम गर्न तरकारी, फलफुल तथा खुद्रा पसलहरुमा सेतो घेरा निर्माण गर्न थालिएको हो ।

पहिलो चरणमा गोरखा नगरपालिकाको वडा नम्बर ६ को बसपार्क, कालिमाटी बजार, लोकतान्त्रिक चोक, घ्याम्पेशाल चोक, गोरखा अस्पताल एरिया, हरमटारीका साथै पाटेचौर र ठुलो आँगन क्षेत्रमा सेतो घेरा निर्माण गरिएको छ ।

दुवै कार्यालयले घेरा निर्माण संगै उपभोत्ता र ब्यवसायीलाई दुरी कसरी कायम राख्ने भन्ने बिषयमा प्रशिक्षण समेत गराएको छ ।

लेखकबाट थप:

• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै
• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो
• प्रशासनकाे चेतावनी : मुस्ताङ र आसपासका क्षेत्रमा आगामी ३ दिन पदयात्रा नगर्नु
• आजकाे माैसम : वर्षा र हिमपातको जोखिम, सतर्क रहन आग्रह सवैमा आग्रह