गोरखा समाचारदाता

चितवन – भरतपुर महानगरपालिका ४ लंकू धारापानी चोकनजिक रहेको सरस फूड इन्ड्रस्ट्रिजमा मंगलबार बिहान आगलागी भएको छ ।

अनिल अग्रवालले सञ्चालन गरेको सो उद्योगमा दालमोठ, बदाम, फुरनदाना लगायतका खाद्य सामग्री उत्पादन हुन्थ्यो । स्थानीय रघुनाथ सापकोटाका अनुसार बिहान पाँच बजेतिर उद्योग क्षेत्रबाट धुँवाको मुश्लो निस्केको थियो । आकासमा फैलिएको सो मुश्लो टाढा टाढाबाट पनि देखिन्थ्यो ।

भरतपुर महानगरपालिकाका दुईवटा, खैरहनी नगरपालिका, नवलपुरको कावासोती नगरपालिका र नेपाली सेनाको एक–एकवटा गरी पाँचवटा दमकल तथा एउटा डोजर परिचालन गरेर बिहान नौ बजे आगलागी नियन्त्रणमा लिएको चितवन जिल्ला प्रहरी कार्यालयका प्रवक्ता डीएसपी एकनारायण कोइरालाले जानकारी दिए । आगलागीका कारणबारे अनुसन्धान भइरहेको उनले बताए ।

‘लकडाउनका कारण उद्योग अहिले सञ्चालनमा थिएन । उद्योग मालिकले बिजुली सर्ट भएर आगो लागेको हुन सक्ने बताएका छन् । कारण यो पनि हुन सक्छ, अरु पनि हुन सक्छ । हामी अनुसन्धानमा नै छौं,’ डीएसपी कोइरालाले भने ।

आगलागीबाट तयारी सामग्री र बदाम, दाल, बेसनजस्ता कच्चा सामग्रीहरुका साथै तेल पनि नष्ट भएको छ । मुचुल्का उठाउने काम भइरहेका आगोले पुर्‍याएको नोक्सानीको आकलन भइनसकेको उनले बताए ।

लेखकबाट थप:

• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो
• प्रशासनकाे चेतावनी : मुस्ताङ र आसपासका क्षेत्रमा आगामी ३ दिन पदयात्रा नगर्नु
• आजकाे माैसम : वर्षा र हिमपातको जोखिम, सतर्क रहन आग्रह सवैमा आग्रह
• तेस्रो संस्करणको नेपाल प्रिमियर लिग : विराटनगरमाथि चितवनको जित
• सुनकाे मूल्य बढ्याे, चाँदीकाे मूल्य घट्याे (कतीमा काराेबार हुदै छ ?)