गोरखा समाचारदाता
पोखरा – सुन्दर नगरी पोखरामा आईतबार देखी ‘प्रभु पे क्यान इन्फोटक–२०२० इन एसोसिउसन विथ वल्र्डलिंक’ सुरु हुदै छ ।
कम्प्युटर एसोएिसन नेपाल (क्यान) महासंघ कास्कीको आयोजनामा पोखराको नयाँबजारमा रहेको प्रर्दशनी केन्द्रमा सुरु हुन लागेको हो ।
क्यान कास्कीले ११औं संस्करणको गण्डकी प्रदेश स्तरिय ‘प्रभु पे क्यान इन्फोटेक–२०२० इन एसोसिएसन विथ वल्र्डलिंक’ को आयोजना गरेको सचिव सेवक क्षितिजले बताए ।
फागुन १५ गतेसम्म चल्ने सूचना तथा प्रविधि मेलाको यस पटकको बिशेषता भनेको मेड ईन नेपाल एक्स्पोजर रहेको छ । यस अन्तर्गत प्रडक्ट र सलुसनसँग सम्बन्धित व्यक्ति वा संस्थाले आफ्ना नयाँ प्रडक्टहरु र आइडियाको प्रदर्शनी गर्ने छन् । क्यान महासंघले यसका निम्ति सार्वजनिक सुचना निकालेरै यससँग सम्बन्धित व्यक्ति वा संस्थालाई सहभागि हुन आह्वान गरेको थियो ।
सहभागिहरुलाई क्यान इन्फोटेकमा बिभिन्न सुबिधाहरु र उत्कृष्टलाई राष्ट्रिय सूचना दिवशको अवसर पारेर पुरस्कृत गर्ने घोषणा यस अघि नै गरिसकिएको थियो । साथै क्यान इन्फोटेकका मेला अवधि भरि विजनेस टक प्रोग्राम सञ्चालन हुनेछ ।
मेलामा शिक्षित बेरोजगारहरुलाई लक्षित गरेर आइसिटि क्षेत्रमा रोजगारी फर्म भर्ने व्यवस्था मिलाइएको छ । हेल्प डेक्स, ग्राफिक्स डिजाईन तथा हार्डवयर एण्ड नेटवर्क सम्वन्धि आवश्यक ज्ञान भएका तर रोजगारको अवसर नभएकाहरुलाई यो अवसर प्रदान गरिने क्यान पोखराले जनाएको छ ।
पोखराको बजारमा प्राविधिक कर्मचारीहरुको अभाव रहेको कारणले यो अभियान अगाडि बढाईएको हो । जसमा आवेदकहरुलाई निशुल्क तालिम प्रदान गरी क्यान महासघ कास्कीमा आवद्ध रहेका संस्थाहरु तथां अन्य व्यवशायिक संस्थाहरुमा सिफारीस गरिनेछ ।
इन्फोटेकमा बृहत सूचना प्रविधि प्रदर्शनी, मेला अवधिभर आईसिटी कन्फेरेन्स, प्रदेश तथा जिल्ला स्तरका टाइपिङ प्रतियोगिता, आइसिटी वतृत्वकला प्रतियोगिता, विद्यालय स्तरिय जिल्ला तथा प्रदेश स्तरिय आइटी क्विज कन्टेस्ट, कम्प्युटर तथा ल्यापटपको निःशुल्क मर्मत सेवा, आइसिटी क्षेत्रमा स्थानीयस्तरबाट गरिएका उत्पादनको प्रदर्शनी, रोबर्ट प्रर्दशर्नी एवं प्रतियोगिता तथा अन्य आइसिटीसँग सम्बन्धित नविनतम गतिविधिहरु प्रदर्शनी, मोबाइल गेमिङ, वैज्ञानिक आईसिटी उपकरण प्रदर्शनी एवं नविनतम प्रविधिका मोबाइलहरुको प्रदर्शनी एवं बिक्री गरिने आयोजकले जनाएको छ ।
मेलामा करिव १०० वटा आइसिटी संग सम्बिन्धित स्टलहरु रहेकाछन ।
