गोरखा समाचारदाता
खोटाङ – खोटाङ बजारमा आगलागी भएको छ । विधुत सर्ट हुँदा खोटेहाङ गाउँपालिका ७ को खोटाङ बजारमा रहेको माणिकलाल प्रधानको घरमा आगलागी भएको हो ।
प्रधानको घरमा सोमबार राति आगलागी हुँदा ६० लाख भन्दा बढीको क्षति भएको खोटाङ प्रहरीले जानकारी दिएको छ । उनको घरमा मोबाइल र स्टेसनरी पसल सञ्चालन हुँदै आएको थियो। दुवै पसल पुर्ण रुपमा नष्ट भएको छ ।
आगलागीबाट प्रधानको झण्डै ३० लाख, मोबाइल पसलको १८ लाख र स्टेसनरी पसलको १५ लाख बराबरको क्षति भएको प्रारम्भिक अनुमान गरिएको छ । आगोलाई प्रहरी र स्थानीयबासीले नियन्त्रणमा लिएको थियो ।