गोरखा समाचारदाता
गोरखा – गोरखा नगरपालिकाको अबुवामा एक साता अगाडी गरेको पिच गुणस्तर हिन भएको पाईएको छ ।
गोरखा नगरपालिका १३ को अबुवा पुल देखी बिर्दीसेरा जाने बाटोमा हालै गरीएको पिच साता दिन पनि पुग्न नपाउदै उप्कन थाले पछि ठेकेदार कम्पनीले गुणस्तर हिन पिच गरेको प्रमाणीत भएको हो । पिचको गोरखा नगरपालिका र प्रदेश साँसदले समेत अनुगमन गरी सकेको छ ।
साता अगाडी मात्र गरीएको पिच पैदल यात्रुहरुले लातले हानेर उप्काएर देखाउन थालेका छन । पिच उप्कीन थाले पछि ठेकेदार कम्पनीले पिच माथि नै विटुमीन हालेर रोलर लगाएको भएता पनि पिच सेट हुन सकेको छैन ।
प्रजिल कस्ट्रक्सन ललितपुुरले गरेको उत्त काम गुणस्तर हिन भएको भन्दै जनगुनासा बढन थाले पछि गोरखा नगरपालिकाको मेयर, उपमेयर र प्रदेश साँसद हरिशरण आचार्यले समेत स्थलगत अनुगमन गरेको थियो ।
पूर्वाधार विकास कार्यालय लमजुङ्ग (गण्डकी प्रदेश सरकारको अधिनमा रहेको कार्यालय) अन्तरर्गत ठेकेदार कम्पनीले ७० लाखमा ठेक्का सकारेको थियो । ८०० मिटर पिच भई सकेको साता दिन भई सक्दा सम्म पनि उत्त सडक भएर कुनै पनि सवारी साधानलाई आवात जावत गर्न दिईएको छैन ।
सवारी आवातजावत गर्दा पिच उप्कने भए पछि ठेकेदार कम्पनी र कार्यालयका प्राविधिकहरुले बाटो अबरुद्व गरेका हुन । ०७६ असार मसान्त सम्ममा काम सक्ने गरी ०७५ साल फागुनमा सम्झौता भएको भएता पनि काममा ढिलाई गरी गरीएको काम समेत गुणस्तर हिन भए पछि आफुले संसदमा कुरा उठाउने प्रदेश साँसद हरीशरण आचार्यले बताए ।
यता ठेकेदार कम्पनी मार्फत काम गरेका जिवन भट्टराईले गुणस्तर नभए पुनःपिच गर्न आफुहरु तयार रहेको बताए । टेलिफोन सम्र्पकमा आएका भट्टराईले कार्यालयका प्राविधिकहरुकै अगाडी उनीहरुले भने जसरी नै काम गरेको तर पनि कतै कमीकमजोरी देखिए तत्कालै सच्याउने बताए ।
उत्त सडकका लागि कार्यालयले खटाएको ईन्जिनियर प्रल्हाद लामिछानेका अनुसार चितवनको प्लान्टमा तयार गरेर ल्याएको पिच यहाँ हाल्दा तापक्रम नमिलेर सेट नभएको बताए । १÷२ दिन हेरौ तापक्रम मिलेर सेट भयो भने भयो होइन भने पुरै पिच उप्काएर पिच गराउन लगाउने बताए ।
