गोरखा समाचारदाता
तनहुँ – तनहुँको बन्दीपुरमा निर्माण गर्न लागिएको संग्रालयको लागि महोत्सको आयोजना गरीएको छ । महोत्सव पौष ११ गते देखी २० गते सम्म चल्ने छ ।
बन्दीपुर गाउँपालिका– १ डुम्रे, चिसापानीमा पहिलो पटक आदिवासी जनजाति सांस्कृतिक एवं पर्यटन महोत्सव २०७६ हुने भएको हो । संग्रालय निर्माणका लागि सहयोग गर्ने उद्वेश्यका साथ महोत्सवको आयोजना गर्न लागिएको नेपाल आदिवासी जनजाति महासङ्घ बन्दीपुर समन्वय परिषदले जनाएको छ ।
पर्यटकलाई बन्दीपुरमा आर्कषित गर्न सङ्ग्राहलय निमार्ण गर्न लागिएको हो । महोत्सवान पदयात्रा, जलविहार, गुफा अवलोकन, धार्मिक एवं पर्यटकीय स्थलको भ्रमण, हेलिकप्टरबाट दृश्य अवलोकनको कार्यक्रम राखीएको छ ।
महोत्सवमा १०० वटा स्टल राखिने छ । किसानलाई प्रर्वद्वन गर्न स्थानिय उत्पान मास, अदुवा, सुन्तला र खसीबोकाको बिक्री समेत गरीने भएको छ ।
महोत्सव १ लाख दर्शकले अवलोकन गर्ने अनुमान आयोजकले गरेको छ ।