गोरखा समाचारदाता
गोरखा – सामान्यतया जाडोमा न्यानो कपडा नलगाउने को होला र ? तर जाडो भएर पनि न्यानो कपडा नहुनेले जाडो कसरी कटाउने त ? जिल्लामा न्यानो कपडा नपाएर चिसोमा कठ्याग्रीनेहरुका लागि लियो क्लब अफ गोरखाले कपडा बैंकको स्थापना गरीदिएको छ ।
क्लबले पहिलो पटक सनिबार सदरमुकाममा जाडोमा न्यानो कपडा नपाएकाहरुलाई कपडा बैंक मार्फत न्यानो कपडा वितरण गरेको हो । ‘आर्थिक अबस्था कम भएका र विपन्न परिवारलाई जाडोमा कठ्याग्रीयर बस्न नपरोस भनेर अभियान सञ्चालनमा ल्याईएको’ क्लबका अध्यक्ष बिदुरवल्लभ भट्टराईले बताए ।
अभियानलाई माघ महिना सम्म चलाउने क्लबले जानकारी दिएको छ । अभियान अन्रतर्गत आईतबार देखी शुक्रबार सम्म कपडा संकलन गर्ने र सनिबार कार्यक्रम गरी वितरण गर्ने छ ।
जिल्लामा नै पहिलो पटक गरीएको यो कार्यक्रममा ५०० सय थान भन्दा बढी कपडा खपत भएको थियो । कपडा लिन भिड लागेकाहरुले तछाडमछाड गरेको सहजै देख्न सकिन्थ्यो । पहिलो पटक आयोजना गरीएको कार्यक्रममा १०० जना भन्दा बढीले कपडा लगेको क्लवकी सचिव बर्षा ढकालले बताईन ।
क्लबले लगाउन योग्य तर त्यतिकै राखिएका कपडा बैंकमा जम्मा गरिदिन सर्व साधारणहरुलाई अनुरोध समेत गरेको छ । आगामी कार्यक्रम भने ग्रामिण ईलाकामा गरीने क्लबले जानकारी दिएको छ ।