गोरखा समाचारदाता
मुग्लीन – चितवनको कुरिनटारमा शुक्रबार एकै पटक ४ वटा सवारी साधन एक आपसमा ठक्कर खाएका छन ।
जिल्लाको इच्छाकामना गाँउपालिका ४ कुरिनटारमा फिस्लिङबाट मुग्लिनतर्फ आउँदै गरेको ना. १ ज ८३२८ नम्वरको म्याजिक विपरित दिशावाट जाँदै गरेको बा. २१ च ३०३९, बा. ६ च ८३४५ नम्वरको स्कारपियो र ना. १ ज ८००५ नम्वरको म्याजिक एक आपसमा ठक्कर खाएका थिए ।
दुर्घटनामा ६ जना घाइते भएका छन । म्याजिकमा सवार भएका मात्र घाईते भएको इलाका प्रहरी कार्यालय मुग्लिनले जानकारी छ । घाइतेको पुरानो मेडिकल कलेजमा उपचार भइरहेको छ । उनिहरु सबैको अवस्था मध्यम छ । चारवटै सवारीसाधन र चालक प्रहरीको नियन्त्रणमा छन् ।