गोरखा समाचारदाता
गोरखा – गोरखाबाट चितवनमा जन्ती गएको गोरखाका १ जना मानिस ५ दिन देखी बेपत्ता भएको छ । गोरखा नगरपालिका ६ को हरमटारी क्षेत्रमा बसोबास गर्दै आएका ४५ बर्षिय भरत अंगाई बेपत्ता भएको हो ।
स्थानियको बिवाहमा १९ गते चितवनको टाढी जन्त गएका उनी सोही राती श्रीमतीलाई फोन गरी आफु चितवनको दासढुङ्गामा रहेको र बेखर्ची भएको जानकारी गराएका थिए । उनका श्रीमती गिता अंगाईका अनुसार ९८४६३७८५१३ नम्बरको नम्बरबाट आफुलाई फोन आएको बताईन ।
जन्ती गएकाहरु संग दुलहीको घरमा दिउसो ३ः३० बजे संगै भोज खाएका अंगाई त्यस पछि वेपत्ता भएका थिए । धेरै बेर सम्म खोजी गर्दा पनि नभेटीए पछि जन्तीहरु गोरखा फर्किएको थियो ।
अंगाई निर्माण ब्यवसायी संघ गोरखाका कार्यालय सहयोगी हुन । कार्यालय सचिव उमेश अर्यालका अनुसार सधै जिस्की रहने बानी भएका उनी त्यो दिन पनि जिस्कीएका होलान र भोली बिहान सम्म आई पुग्ला भनेको, न घर आए न फोन नै लाग्यो ।
२० गते बिहान देखी उत्त नम्बरको मोबाईल स्वीच अफ भएको छ । उनको खोजीका लागि गोरखा बाट गएको टोलीले २१ गते दासढुङ्गा देखी देवघाट सम्म खोजी गरेको थियो । त्यस्तै गरी उनकै भतिजोले पनि चितवन प्रहरीमा खोजीका लागि निवेदन दर्ता गराएका थिए ।
उनको खोजीको लागि सोमबार पनि उनका आफन्तहरु चितवन पुगेका छन ।
यदी तपाईले फोटोमा देख्नु भएको मानिसलाई भेटनु भयो भने नजिकको प्रहरी कार्यालय वा उनको श्रीमती गिता अंगाईको मोबाईल नम्बर ९८४६३००५०० मा खबर गरीदिनु हुन परिवारजनले आग्रह गरेको छ ।
