गोरखा समाचारदाता
लमजुङ – लमजुङको पाउदीमा आईतबार भएको दुर्घटनामा ज्यान गुमाउने महिलाको पहिचान भएको छ । ज्यान गुमाउने महिला गोरखा जिल्ला धार्चे गाउँपालिका २ केरौजा निवासी लक्ष्मी गुरुङ्ग भएको लमजुङ प्रहरीले जानकारी दिएको छ ।
लमजुङबाट गोरखा तर्फ आउदै गरेको ग.१५६९९ नम्बरको बस आईतबार बिहान पाउदीमा रोकिराखेको बेला दुर्घटना भएको थियो । सडक देखी २०० मिटर तल मस्र्याङदी नदीमा खसेको थियो ।
दुर्घटनामा परी गोरखा धार्चे गाउँपालिका २ कै आईतराम गुरुङ्ग, सोही स्थान बस्ने १३ बर्षिया सुस्मिता गुरुङ्ग, आरुघाट गाउँपालिका थुमी निवासी राजन गुरुङ्ग, लमजुङ जिल्ला बेशिसहर नगरपालिका १ बस्ने जमुना परियार, लमजुङकै मस्र्याङदी गाउँपालिका ९ बस्ने पुनम भुजेल र गोरखा जिल्ला गोरखा नगरपालिका ७ स्ने कृति लामिछाने घाईते भएका छन ।
घाईते मध्ये धेरै जसोलाई चितवनको भरतपुरमा रहेको मेडिकल कलेजमा उपचार भई रहेको छ । घटना लगत्तै बसका चालकलाई प्रहरीले नियन्त्रणमा लिएको छ ।
बस पाउदीको ढिक नजिकै रोकि चालक बाहिर गए लगत्तै बस आफै गुडेर घटना भएको स्थानियले जानकारी दिएको छ ।