गोरखा समाचारदाता
पोखरा – पोखरामा तेस्रो बृहत शैक्षिक प्रर्दशनी तथा १३ औं लोक नृत्य प्रतियोगिता हुने भएको छ । निजी तथा आवासीय विद्यालय एसोसिएसन नेपाल कास्कीले मंसिर २४ देखि २७ गते सम्म पोखरामा कार्यक्रम गर्न लागेको हो ।
कार्यक्रमको बिषयमा जानकारी दिने उद्वेश्यले पोखरामा पत्रकार सम्मलेन गरी उत्त कार्यक्रम पोखराको प्रदर्शनीकेन्द्र नयाँवजारमा हुने जानकारी दिएको हो । आयोजक संस्थाले कार्यक्रमले विद्यार्थीहरूको शारीरिक, मानसिक, सामाजिक एवम् सर्वाङ्गीण विकासका लागि प्रभावकारी भूमिका खेल्ने विश्वास लिएको छ ।
शैक्षिक प्रदर्शनीमा पूर्व प्राथमिक तह, गणित, विज्ञान तथा प्रविधी, सामाजिक अध्ययन, भाषा अङ्ग्रेजी र नेपालीका विषयगत विधाहरू रहेका छन् । प्रदर्शनीमा नेशनल प्याव्सान कास्कीका ४६ वटै विद्यालय सहभागिता रहने र करिव १ लाख वढिले अवलोकन गर्ने अनुमान गरिएको छ । प्रदर्शनीमा ११ लाख रुपैया खर्च लाग्ने अनुमान समेत गरिएको छ ।
प्रदर्शनीमालाई सफल बनाउनका लागि विभिन्न १० वटा उपसमिति गठन गरिएको छ । विद्यार्थीहरूका लागि समयानुकूल एवम् वैज्ञानिक शिक्षणसिकाइ क्रियाकलापहरू प्रस्तुत गर्ने हेतुले जिल्लास्थित सम्पूर्ण सदस्य विद्यालयहरूको संयुक्त आयोजनामा बर्सेनि विविध शैक्षिक, बौद्धिक, मनोवैज्ञानिक एवम् खेलकूद सम्बन्धि क्रियाकलाप गर्दै आइरहेको प्याव्सान कास्कीका सचिव मनकाजी गुरुङले जानकारी दिए ।
