गोरखा समाचारदाता
गोरखा – प्रेस यूनियन गोरखाले पत्रकारहरुको पुनःवहाली र रिहाईको माग गर्दै आज जिल्ला प्रशासन कार्यालय गोरखामा ध्यानाकर्षण पत्र बुझाएको छ ।
यूनियनले जिल्ला प्रशासन कार्यालय गोरखाका प्रमुख जिल्ला अधिकारी देवेन्द्र लामिछानेलाई ध्यानाकर्ष पत्र बुझाउदै केही दिन अगाडी रेडियो नेपाल सुदूरपश्चिम प्रादेशिक केन्द्र दिपायलमा कार्यरत पत्रकारहरु प्रकाश बम, सुनिता रावल र चक्रबहादुर कुवँरलाई निश्कासन गरेको भन्दै सरकारी रबैया प्रति नेपाल प्रेस युनियन गोरखाको गंम्भीर ध्यानाकर्षण भएको जनाएको छ ।
ध्यानाकर्षण पत्रमा विद्यमान सरकारले राजनितिक आस्थाका आधारमा पत्रकार भर्ना गर्ने र बर्खास्ती गर्ने काम नरोेको भन्दै राजनीतिक पूर्वाग्रह साँधेर रेडियो प्रसार विकास समितिले कामबाट हटाई सबै पत्रकारलाई तत्काल पुनःबहाली गर्न प्रेस युनियन जोडदार माग गर्दछ भनेको छ ।
यूनियनले प्रमुख जिल्ला अधिकारी मार्फत प्रधानमन्त्रिको कार्यालयलाई पठाएको ध्यानाकर्षण पत्रमा सर्वोच्च अदालतबाट मंगलबार सफाई पाएका पत्रकार ओम हमाललाई पुनः प्रहरीले अदालत परिसबाट गिरफ्तार गरेको घटनाको पनि भत्सना गरेको छ । उत्त घटनाले सम्पूर्ण प्रेस जगत मर्माहित भएको भन्दै यूनियनले हमालको निर्सत रिहाई गर्न जोडदार माग गरकोे छ ।
अध्यक्ष नरेन्द्र ढकाल र सचिव मोहसिन अलि मियाँले संयुत्त रुपमा प्रजिअ लामिछानेलाई बुझाएको ध्यानाकर्षण पत्रमा मिडिया काउन्सिल विधेयक सरोकारवाला संघसस्थासँग कुनै सल्लाह र परामर्श नगरी एकाएक राष्ट्रियसभाबाट प्रक्रिया अघि बढाएको प्रति असन्तुष्टी जनाउदै सरकारको यस्तो क्रियाकलापको विरोध एवं भत्सर्ना गर्दै तत्कालै गल्तीहरु सच्याउन भनेको छ ।
ध्यानाकषर्ण पत्रमा प्रेस युनियन सदैव पत्रकारको हकहित र प्रेस स्वतन्त्रताको पक्षमा लडिरहने प्रण गर्दै प्रेस स्वतन्त्रता विरोधी कुनै पनि क्रियाकलाप सह्य नहुने सरोकारवाला सबैमा स्मरण गराउँछौ समेत भनेको छ ।
ध्यानाकर्षण पत्र बुझाउन जिल्लामा क्रियाशिल पत्रकारहरुको उपस्थिती रहेको थियो ।