गाेरखा समाचारदाता
गाेरखा – अब अख्तियार दुरुपयोग अनुसन्धान आयोगले घुस दिनेलाइ पिन निगरानी गर्न थालेकाे छ ।
आयोगले केही महिनायता देखी घुस दिनेहरू माथि पनि निगरानी बढाए पछी केही मानिसहरू समेत पक्राउ थालेको छ । आयोगले दिएकाे जानकारी अनुसार भाद्र महिनामा त्यस्ता प्रकृतीका २ जना सेवाग्राही पक्राउ परेकाे जानकारी दिएकाे छ ।
आयोगले दिएकाे जानकारी अनुसार वैशाख देखि भाद्र दोस्रो साता सम्म घुस दिने ५ जना पक्राउ सेवाग्राही पक्राउ परेका छन् । ति सबैलाइ आयोगले नियन्त्रणमा लिएर अनुसन्धान गरेर कारबाही प्रक्रिया अगाडि बढाएको छ ।
आयोगले घुस दिनेले कामको प्रकृति हेरेर १० हजार देखि ७ लाख रुपियाँ सम्म बुझाउन पुग्दा नियन्त्रणमा लिएकाे थियाे ।
भ्रष्टाचार निवारण ऐन, २०५९ ले घुस लिने र दिने दुवैलाई सजायको व्यवस्था गरेको छ । ऐनले घुस लिने र दिने दुवैलाई कसुर बमोजिम समान सजायको व्यवस्था गरे पनि विगतमा आयोगले घुस लिनेहरूलाई मात्रै लक्षित गरी ‘स्टिङ’ अपरेशन चलाउँदै आएको थियो ।
यता कानुन व्यवसायीहरू घुस लेनदेनमा सजायको व्यवस्थालाई लिएर भ्रष्टाचार निवारण ऐन, २०५९ र अख्तियार दुरुपयोग अनुसन्धान आयोग नियमावली, २०५९ बाझिएको बताउछन् । ऐन र विनियमावली बाझिएको बारे सर्वोच्चमा मुद्दा समेत परेको छ।
ऐनको परिच्छेद २ को दफा ३ को उपदफा १ र ३ ले घुस दिनेको कसुर हेरी सजायको व्यवस्था निर्धारण गरेको छ । तर नियमावलीको विविध शीर्षक अन्तर्गतको दफा ३० को उपदफा १ र २ ले घुस दिनेको सजाय छुटको व्यवस्था गरेको छ । आयोगले भने उक्त व्यवस्थालाई भ्रष्टाचार दुरुत्साहनसित जोडेर व्याख्या गरेकाे छ ।
नियमावलीले सेवाग्राहीबाट कर्मचारीले घुस मागेको सन्दर्भमा उजुरी गरेपछि आयोगसँगको समन्वयमा कर्मचारी पक्राउ गरिए घुस दिने सेवाग्राहीको सजाय छुट हुने व्यवस्था गरेको छ । जानकारहरूका अनुसार घुस लिने सँगै दिनेलाई प्राथमिकतामा राखेर कारबाही गरिए मात्रै केही हद सम्म सुशासन कायम हुन टेवा पुग्ने तर्क गर्छन् ।