गाेरखा समाचारदाता
गाेरखा – भाद्र १२ गते बिहीवार सुर्खेतका विभिन्न जंगलहरुमा फालेर गाईगाेरू मारेको घटनामा संलग्न ७ जनालाई सुर्खेत प्रहरीले अनुसन्धानका लागि ७ दिनकाे म्याद थपिएको छ ।
नेपालगन्जको काञ्जिहाउसबाट दैलेखको श्रीस्थान लैजाने भन्दै गाडीमा ल्याइएका गाईगाेरूहरूलाइ मारेकाे भन्दै गाडी चालकहरु रौतहटका दामोदर के, बाँके कोहलपुरका हिमबहादुर जिसी, चितवनका विवेक कुँवर र सहचालक अछामका कृष्ण विसी, चितवनकै सागर विश्वकर्मा, शत्रुघन चौधरी र सहचालक अमृत चौधरीलाई भाद्र १३ गते (शुक्रवार) नै प्रहरीले पक्राउ गरी हिरासतमा राखेर अनुसन्धान सुरु गरिसकेको छ ।
जिल्ला प्रहरी कार्यालय सुर्खेतका प्रवक्ता प्रहरी नायब उपरिक्षक रवि रावलले पक्राउ परेका ७ जनालाई जिल्ला अदालतबाट ७ दिनको म्याद थपेर अनुसन्धान अगाडि बढाइको बताए ।
सुर्खेतका कटकुवा, ब्युरेनी र झुप्राखोलाको भित्री मोडमा करिव १ घण्टाको अवधिमा १ सय ५७ वटा गाईगाेरूहरु ट्रकबाट फालिएको पाइएको प्रहरी कायार्लयले जानकारी दिएकाे छ । जसमध्ये ३५ वटा गाई मृत पाइएको प्रहरीको अनुसन्धानका क्रममा खुलेको छ ।
टकुवामा १८, ब्युरेनी खोलामा आठ, सोही स्थानभन्दा केही पर ६ र झुप्राखोलाको भित्री मोडमा तीनवटा गरी कुल ३५ वटा मृत गाईगोरु फेला परेको थियाे । मृत फेला परेका कुल ३५ मा १९ गाई, ८ गोरु, ५ बाच्छी र ३ बाच्छा रहेकाे थियो ।