गोरखा समाचारदाता
गोरखा – पोखरामा प्रहरी कर्मचारीहरुको लागि डेंगु रोग नियन्त्रण सम्वन्धी स्वास्थ्य शिविर शुरु गरिएको छ ।
नेपाल प्रहरी अस्पताल काठमाण्डौं र गण्डकी प्रदेश प्रहरी कार्यालय पोखराको संयुत्त आयोजनामा आईतबार बाट प्रहरी कर्मचारीहरुका लागि डेंगु रोग नियन्त्रण सम्वन्धी स्वास्थ्य शिविर सञ्चालन गरीएको गण्डकी प्रदेश प्रहरी कार्यालय पोखराका सूचना अधिकारी कृण्ण कार्कीले जानकारी दिए ।
एक प्रकारको लामखुट्टेको टोकाईबाट हुने डेंगु रोग प्रहरीमा पनि देखिन थाले पछि गण्डकी प्रदेश प्रहरी कार्यालयको अनुरोधमा नेपाल प्रहरी अस्पताल काठमाण्डौंको विशेषज्ञ टोलीले संक्रमितहरुको स्वास्थ्य परिक्षणका साथै उपचार गर्न थालिएको हो ।
पछिल्लो समय देशै भरी डेंगुको संक्रमण देखिन थाले पछि नेपाल सरकारले सर्व साधारणहरुलाई उत्त रोगबाट जोगिन सजग गराएको छ ।
शिविरको गण्डकी प्रदेश प्रहरी प्रमुख प्रहरी नायब महानिरिक्षक बिनोद शर्माले अबलोकन गर्दै चिकित्सकहरुलाई प्रहरी कर्मचारीहरुको स्वास्थ्य बारे संवेदनशिल रुपमा प्रस्तुत हुन निर्देशन दिएका थिए ।
