गाेरखा समाचारदाता
गाेरखा – जलवायु परिर्वतन संगै विश्वभर २१ नयाँ राेग देखा परेकाे छ । जलवायु परिर्वतन कै कारण मानवीय स्वास्थ्यका क्षेत्रमा चुनौति थपिँदै गएको छ ।
जलवायु परिर्वतनले पछिल्लो १९ वर्षमा विश्वभर विभिन्न २१ वटा नयाँ रोगहरु देखा तथ्य फेला परेकाे हाे ।
स्वास्थ्य तथा जनसंख्या मन्त्रालयले बिहीबार राजधानीमा गरेको स्वास्थ्य प्रणालीमा सुधार विषय अन्तरक्रियामा स्वास्थ्य समन्वय महाशाखाका प्रमुख महेन्द्र श्रेष्ठले जलवायु परिर्वतनका कारण नयाँ नयाँ रोगहरुको प्रकोप बढ्दै गएको बताए ।
सीमित मुलुकमा देखिँदै आएको डेंगु दश वर्षभित्र विश्वका ३० वटा मुलुकमा पुगेको छ । सन् २००४ मा नेपालको चितवनमा देखिएको डेंगुको समस्या अहिले ६ वटा प्रदेशका ४२ जिल्लामा पुगेको तथा कालाजार र औलोको समस्या पनि पुनः देखा परेको छ ।
मन्त्रालयले जलवायु परिर्वतनबाट उत्पन्न स्वास्थ्य समस्या, सम्बोधन र भविश्यमा अपनाउनुपर्ने रणनीति लगायत विषयमा सरोकारवाला पक्षसंग छलफल गरेको हो ।