गाेरखा समाचारदाता
गाेरखा – पोखरा क्षेत्रमा बुधबार राती भएकाे दुर्घटनामा परी २ जनाकाे मृत्यु भएकाे छ भने ३ जना घाइते भएका छन ।
बुधबार राति पोखरा महानगरपालिका–३२ गगनगौँडामा ग. ७ प ७४२८ नम्बरको मोटरसाइकल र ग. ११ प २३५८ नं.को स्कुटर एकआपसमा ठोक्किँदा स्कुटरको पछाडि सवार पोखरा नदीपुर निवासी जगबिन पुनको मृत्यु भएको जिल्ला प्रहरी कार्यालय कास्कीकाले जानकारी दिएकाे छ ।
ठक्करपछि ट्रकको चक्कामुनि परेका पुन गम्भीर घाइते भए पछि पोखरा स्वास्थ्य विज्ञान प्रतिष्ठानमा उपचारका क्रममा निधन भएको थियो।
सो दुर्घटनामा लेखनाथ भण्डारढीकका विकल सुनार र रुपा–७ का दीपक विक तथा पोखरा अर्चलबोटका निशान गुरुङ घाइते भएका छन्।
गए राति नै पृथ्वी राजमार्ग स्थित लेखनाथको तालचोकमा भएको अर्को दुर्घटनामा काठमाडौँ कीर्तिपुरका थमन पाइजाको मृत्यु भएको छ।
ग. ३ च १४२२ नं.को मिनी भ्यान र बा. ९४ प १७०५ नं.को मोटरसाइकल राति ९ः४५ बजेको समयमा एकआपसमा ठोक्किँदा घाइते भएका पाइजाको मणिपाल शिक्षण अस्पतालमा उपचारका क्रममा मृत्यु भएको प्रहरीले जनाएको छ।