गाेरखा समाचारदाता
गाेरखा – मकवानपुरमा बुधबार राती सम्म फरक–फरक दुर्घटनामा परी ३ जनाको मृत्यु भएको छ ।
प्राप्त जानकारी अनुसार मकवानपुरको हटौँडा–५ मा बुधबार राति मोटरसाइकलले ठक्कर दिँदा साइकलयात्री मकवानपुरगढी–४ का ४० वर्षीय सोमलाल घलानको मृत्यु भएको थियाे।
त्यस्तै बुधबार दिउँसो अटोरिक्साको ठक्करबाट घाइते पैदलयात्री हेटौँडा–११ का ५० वर्षीय नारायण लम्सालको उपचारको क्रममा बुधबार राति मृत्यु भएको प्रहरीले जानकारी दिएको छ।
बुधबार साँझ मकवानपुरगढी–२ मा चट्याङका कारण १ जनाको मृत्यु भएको छ। घरनजिक बसिरहेको अवस्थामा साँझ परेकाे चट्याङले सुन्तली विककाे मृत्यु भएको हेटाैडा प्रहरीले जानकारी दिएकाे छ।
सवारी दुघटनाका दाेषी प्रदेश २–०३००१ प ९३९० नं.को मोटरसाइकलका चालक रोशन दुलाल र ना. २ ह १८९० नं.को अटो चालकलाई प्रहरीले नियन्त्रणमा लिएको छ ।