गाेरखा समाचारदाता
गाेरखा – राष्ट्रिय गौरवको परियोजना अन्तरगर्त ‘काठमाडौँ तराई-मधेस दू्रतमार्ग’ निर्माण कार्य अबको साँढे तीन वर्षमा नै सम्पन्न गर्ने लक्ष्य नेपाली सेनाले राखेको छ ।
सैनिक जनसम्पर्क तथा सूचना निर्देशनालय द्वारा आयोजित पत्रकार सम्मेलनमा काठमाडौँ–तराई-मधेस द्रुतमार्ग परियोजना प्रमुख सहायक रथी शरदलाल श्रेष्ठले साँढे तीन वर्षमा द्रूतमार्गकाे काम सक्ने बताए । सरकारले भने याे मार्ग २०८१ सालमा सक्ने लक्ष्य राखेकाे थियाे ।
परियोजनाको डीपीआर मन्त्रिपरिषद्बाट स्वीकृत भएको १ साता पछि आयोजित पत्रकार सम्मेलनमा प्रमुख सहायक रथी श्रेष्ठले खोकना क्षेत्रका र्धािर्मक तथा पुरातात्विक सम्पदा जोगाउने गरी नयाँ रेखाङकन गरिएको बताए ।
विवादित विषयहरू टुङ्गीएको र केही स्थानहरूमा मुआब्जा समस्या रहेकाले जिल्ला प्रशासन कार्यालयहरूबाट समस्याको समाधान गर्ने प्रयास भइरहेको छ ।
ललितपुरको खोकनाबाट शुरु हुने द्रुतमार्ग मकवानपुर हुँदै बाराको निजगढसम्म चार लेनकाे ७२.५ किलामिटर लम्वाई रहेको छ । काठमाडौँ तराई जोड्ने सबै भन्दा छोटो सडकमार्ग राष्ट्रिय आर्थिक विकासको मेरुदण्ड मानिएको छ ।
याे मार्गमा ३ वटा सुरुङमार्ग रहने छन । महादेवडाँडा मुनि ३ किलाे मिटर ३ सय ५५ मिटर, धेद्रेमा १ किलाे मिटर ६ सय ३० मिटर र लेनडाँडामा १ किलाे ४ सय ३० मिटर लम्वाई गरी कुल ६ किलाे ४ सय १५ मिटरकाे ३ वटा सुरुङ मार्ग निर्माण हुने छन् ।
द्रूतमार्ग निमार्णका लागि १ खर्ब ७५ अर्ब वजेट लाग्ने अनुमान गरीएकाे छ । २०७४ साल साउनबाट सुरू भएकाे द्रुर्तमार्गमा हाल सम्म १४ अर्ब ७० करोड खर्च भएको छ ।
पुल र सुरुङमार्गका लागि ग्लोवल टेण्डर आह्वान गर्ने तयारी भइरहेको सेनाले पत्रकार सम्मेलनमा जानकारी दिएकाे छ ।
द्रुतमार्गमा साना ठूला गरी ९० वटा पुल निमार्ण हुने छन् । यसिया महादेशकै उच्च स्तरकाे मानिने याे द्रुतमार्गको कुल लम्वाई मध्ये ५५ किलाे ५ सय मिटर सडक खण्ड हुने छ ।