गाेरखा समाचारदाता
गाेरखा – सुर्खेतकाे हर्रेमोडमा बुधबार दुर्घटना हुँदा ३ जनाको मृत्यु भएको भने २७ जना घाइते छन् ।
जाजरकोटबाट नेपालगञ्जतर्फ आउदै गरेको ना४ख ९३१७ नंको बस बस रत्न राजमार्ग अन्तर्गत पर्ने भेरीगङ्गा नरगपालिका–५ स्थित हर्रेमोडमा दुर्घटना हुँदा ३ जनाको मृत्यु भएको छ थियाे भने २७ जना घाइते भएका थिए ।
जिल्ला प्रहरी कार्यालय सुर्खेतका अनुसार दुर्घटना हुँदा १ जनाको घटनास्थलमै र २ जनाको उपचारको क्रममा कोहल्पुर मेडिकल कलेजमा मृत्यु भएको हो । मृतकमध्ये २ महिला र १ पुरुष छन् ।
दुर्घटनामा परी २७ यात्रु घाइते समेत भएका छन् । घाइतेहरुको भेरीगङ्गा नगरपालिकास्थित मेडिकल र कोहलपुर मेडिकल कलेजमा उपचार भइरहेको छ ।
दुर्घटनाको कारण खुल्न नसके पनि तीव्रगतिका कारण दुर्घटना भएकाे हुन सक्ने प्रहरीको अनुमान रहेकाे छ ।