- पत्रकार शालिकराम पुडासैनी आत्महत्या प्रकरणमा
गाेरखा समाचारदाता
गाेरखा – पत्रकार शालिकराम पुडासैनी आत्महत्या प्रकरणमा सोमबार थुनछेक बहस सकिएको छ । अबकाे केही बेरमा थुकछेक आदेश हुने अनुमान गरीएकाे छ ।
पुडासैनी आत्महत्या प्रकरणमा दुरुत्साहन गरेको कसूरमा टेलिभिजन प्रस्तोता रवि लामिछाने सहित ३ जना विरुद्ध दायर गरिएको मुद्दामा थुनछेक बहस सकिएको चितवनबाट पत्रकार प्रकाश ज्ञवालीले बताए ।
जिल्ला न्यायाधीश हेमन्त रावलको इजालासमा दुवै पक्षकाे बहस सकिएको छ । आदेश आउन केही बेर लाग्ने अनुमान गरीएकाे छ ।
साउन २० गते चितवनको कंगारु होटलमा झुण्डिएको अवस्थामा पत्रकार पुडासैनीको शव भेटिएको थियो ।
पुडासैनीले मोबाइलमा मृत्यु अघि खिचेको भिडियो सार्वजनिक भएपछि आत्महत्यामा दुरुत्साहन गरेको कसूरमा टेलिभिजन प्रस्तोता रवि लामिछाने, पत्रकार युवराज कँडेल र रुकु भनिने अस्मिता कार्की पक्राउ गरी दुरुत्साहन मुद्दा चल्दै आएकाे छ ।