गोरखा समाचारदाता
गोरखा – गोरखा नगरपालिकाले भीमसेन पार्कमा भीमसेन थापाको सालिक स्थापनाको तयारी पुरा गरेको छ ।
राष्ट्रिय विभूती भीमसेन थापाको सालिक निर्माण भई जिल्ला आई सकेकोले केही दिन भित्रै स्थापना गरी सार्वजनिक गरीने गोरखा नगरपालिकाले जानकारी दिएको छ ।
नेपाल राज्यको एकिकरण र रक्षाका निम्ति महत्वपूर्ण योगदान पु¥याएका थापाको सम्मान र सम्झनामा थापाको पूर्णकदको सालिक निर्माण गरिएको हो ।
गोरखा नगरपालिकाका प्रमुख राजनराज पन्तका अनुसार गोरर्खाली भएर भीमसेन थापाको योगदानलाई कदर गर्न सकेनौं भने उनी प्रति अन्य हुने र ईतिहास अपुरो हुने भएकाले अबको केही दिनमा सालिक स्थापना गरी औपाचारीक रुपमा सार्वजनिक गरीनेछ ।
गोरखा नगरपालिका–४ फिनाममा भीमसेन पार्क समेत निर्माण भई सकेकोले गोरखा नगरपालिकाले अहिले सालिक राख्न लागेको हो । नगरपाकिाले गत आर्थिक वर्ष २०७५/०७६ को बजेटमा सालिक स्थापनाको लागि २२ लाख ८४ हजार बजेट विनियोजन गरेको थियो ।
५ फिट १० इन्च अग्लो थापाको पूर्णकदको सालिक नविन आर्टसले तयार पारेको हो । भाद्र महिना भित्र सालिक स्थापना गरि सार्वजनिक गर्ने नगरपालिकाको लक्ष्य छ । सालिक स्थापनासँगै टायल बिच्छाउने र कँुदेको ढुंङ्गा समेत राखिएने कार्यालयले जानकारी दिएको छ ।
‘एक नगर एक उद्यान’ कार्यक्रम अन्तरर्गत नगरपाकिाले यस अघि नै ३ लाख खर्च गरेर ट्रस र रेलिङ्ग हाल्ने काम गरिसकेका छ । नगरपालिकाका इन्जिनियर प्रकास ढकालका अनुसार पार्कलाई एकिकृत शहरी बिकास योजना पनि समेटिने छ ।
पार्कमा सोलारवत्ती समेत जडान गरिएको छ । भीमसेन पार्क महत्वपुर्ण गन्तब्य मध्ये एक बनाउने नगरपालिकाको योजना छ । यसो गर्दा जिल्लाको पर्यटन प्रवद्र्धनमा समेते मद्दत मिल्ने पर्यटन सम्वन्धी चासो राख्ने ब्यत्तिहरुको विश्वास रहेको छ ।
पर्यटकको रोजाइमा नेपाल एकिकरणको उद्गम थलो गोरखा रहदै आएको छ । ऐतिहासिक, धार्मिक र पर्यटकिय रुपले महत्वपूर्ण स्थान राख्ने गोरखामा स्वदेश तथा विदेशबाट दैनिक जसो अध्ययनका लागि आउनेको संख्या बढदै जान थालेको छ ।
जिल्ला सदरमुकाम आएका पर्यटक मध्ये अधिकाशंले गोरखा दरबार, गोरखकाली, गोरखनाथ र गोरखा संग्राहलयमा केही सयम बिताएर फर्किने गरेका छन् ।
भौगोलिक रुपमा पनि गोरखा सदरमुकामबाट केही पर रहेको भीमसेन पार्कसम्म पर्यटक पुरयाउन सक्ने हो भने उनीहरुका १ दिन बसाई लम्बिन सक्ने विज्ञहरु बताउँछन् ।
