गाेरखा समाचारदाता
गाेरखा – नेपाल विद्युत् प्राधिकरणले उपत्यकाकाे काठमाडाै, ललितपुर र भक्तपुर जिल्लामा तारमुक्त बनाउने गरी काम थालेको छ ।
काठमाडाै, ललितपुर र भक्तपुर जिल्लाका विद्युत् वितरण लाइनहरू ग्राहकको घरसम्मै भूमिगत गराउने गरी नेपाल विद्युत् प्राधिकरणले काम शुरू गरेकाे हाे । यि सबै जिल्तीलामा तिन चरणमा काम गरिने नेपाल विद्युत् प्राधिकरणले जानकारी दिएकाे छ ।
यसपछि उपत्यका बाहिर पनि तार भूमिगत गर्ने प्रक्रिया सुरु हुने प्राधिकरणले जनाएको छ ।
एसियाली विकास बैङ्क (एडीबी)को सहुलियतपूर्ण ऋण मार्फत काठमाडौंँको रत्नपार्क र महाराजगञ्ज वितरण केन्द्र अन्तर्गतका वितरण लाइन भूमिगत गर्न ठेकेदार कम्पनीले सर्भे तथा उपकरण परीक्षणको काम गरिरहेको छ ।
गएकाे जेठ महिना देखि नै ठेक्का सम्झौता आरम्भ गर्दै भारतीय ठेकेदार कम्पनीले अहिले फिल्ड कार्य पूर्वको तयारी गरिरहेको प्राधिकरण अन्तर्गत आयोजना व्यवस्थापन निर्देशनालयले जानकारी दियो ।
सम्झौता मताविक यी दुई क्षेत्रमा ११ केभी प्रसारण लाइन करिब ४ सय किलोमिटर र ४ सय भोल्ट क्षमताको ३ सय ५० किलोमिटर तार भूमिगत हुनेछन् ।
प्राधिकरणले टेलिफोन तथा इन्टरनेट, केबल सेवाप्रदायकका तार पनि ब्यवस्थित गनेगरी ४८ फाइबरयुक्त अप्टिकल फाइबर पनि राख्न लागेको छ ।
वितरण प्रणाली भूमिगत गर्ने काम साढे २ वर्षमा सम्पन्न गरी सकिने छ ।