गाेरखा समाचारदाता
गाेरखा – गण्डकी प्रदेश मातहतका कर्मचारी बषमा १ हप्ता सरकारी खर्चमा भ्रमण जान पाउने भएका छन् ।
बिदामा गण्डकी प्रदेश अन्तर्गतका महत्वपूर्ण पर्यटकीय गन्तव्य भ्रमण गर्नुपर्ने साेही स्थानमा रहेकाे होमस्टेमै बास बस्नुपर्ने ब्यवस्था गरिएकाे छ । त्यस अधिकाे सबै खर्च भने प्रदेश सरकारले व्यहोर्ने भएकाे छ ।
पर्यटन वर्ष २०२० मा २० लाख पर्यटक भित्र्याउने सरकारको लक्ष्य अनुसार प्रचारप्रसारको लागि कर्मचारीलाई भ्रमण पठाउन लागिएकाे प्रदेश सरकार याेजना रहेकाे छ ।
बुधबार बसेको मन्त्रिपरिषद्को बैठकले स्वीकृति दिदै बैठकले ‘बिदा पर्यटन कार्यविधि २०७६’ स्वीकृत गरेको छ ।
बिदा पर्यटन कार्यविधि २०७६ मा एउटा कर्मचारीले ७ दिन बिदा पाउने छ । बैठकले गरेका निर्णय शुक्रबार सार्वजानिक गर्दै सरकारका प्रवक्ता भौतिक पूर्वाधार विकासमन्त्री रामशरण बस्नेतले तलवी बिदा दिने निर्णय भएको बताए ।
मन्त्रि बस्नेतकाका अनुसार कर्मचारीले आ–आफ्नो पद अनुसारको खाईपाई आएको एक महिनाको तलबस्वरुप भ्रमण खर्चवापत पाउने छन् ।
गण्डकी प्रदेशमा २ हजार २ सय कर्मचारीको दरवन्दी छ । हाल १८ सय कर्मचारी कार्यरत छन् ।
मुख्यमन्त्री कार्यालयबाट सञ्चालन हुने गरी आन्तरिक पर्यटन वर्षलाई टेवा दिन कर्मचारी भ्रमणको व्यवस्था गरिएको हाे ।
गण्डकी प्रदेशले कर्मचारीलाई घुमाउन ९० लाख बजेट पनि बिनियोजन गरेको छ ।