गाेरखा समाचारदाता
गाेरखा – श्यामहरी घिमिरे मृत्यु प्रकरणलाई लिएर दोश्रो चरणको सघर्ष सुरु गर्ने भएको छ ।
उनको मृत्यु अस्वभाविक भएको भन्दै आफन्तहरुले हत्याको आशंकामा एक सातासम्म शव समेत नबुझी प्रदर्शन गरेका थिए ।
मनकामना बहिरा माबि बिरेनचोकको कार्यालय सहयोगीको रुपमा कार्यरत घिमिरे गत २८ गते विहान विद्यालय नजिकैको कुवाडी सामुदायिक जंगलमा रहस्यमय ढङ्ग मृत फेला परेका थिए ।
उक्त घटनाको दोषी पत्ता लगाउन माग गर्दै स्थानीयले एक साता सम्म आन्दोलन चर्काएका थिए ।
विद्यालय प्रशासनमा लगाएको ताला समेत अहिलेसम्म खुलेको छैन् । यथाश्रिघ घटनाको सत्य तथ्य सार्वजानिक गर्ने सर्तमा शव बुझे पनि अहिलेसम्म केही प्रगती नभएको भन्दै पुनः आन्दोलनको तयारी गरिएको मृत्तकका आफन्त सुबास घिमिरेले बताए ।
बुधबार वडा नम्बर १० अध्यक्ष देवीबहादुर बस्नेतको उपस्थितीमा विद्यालयमा दुई पक्षीय वार्ता गरी सर्घष समिति समेत निर्माण गरिएको छ ।
विद्यालय व्यवस्थापन समितिका अध्यक्ष खडानन्द रेग्मीको अध्यक्षमा पिडित पक्ष र विद्यालय परिवार रहेको ६ सदस्सिय समिति निर्माण गरिएको छ ।
दुबै पक्षले यस अघि लगाएका आरोप र आशंका त्यागेर एक ढिक्का भई सर्घष चर्काउने निर्णय भएको उनले बताए ।
दबाब स्वरुप आज (बिहीवार) नगरपालिका चोक देखि प्रशासन कार्यालय सम्म शान्ति रयाली निकाल्ने र कोण सभा गर्ने समितिका खडानन्द रेग्मीले बताए ।
वडाध्यक्ष देवी बहादुर बस्नेतको संयोजकत्वमा रयाली निकालिने उनले जानकारी दिए ।
घटनाको सत्यतथ्य छानविन गरी हत्यारा पत्ता नलगाएसम्म बिद्यालयमा लगाइएको ताला नखोलिने भएको छ ।
घटनाको सत्यतथ्य वाहिर नआएसम्म शिक्षकहरुले पनि अध्यापन नगराउने बताएका छन् ।