गोरखा समाचारदाता
गाेरखा – धार्चे गाउँपालिका–५ गुम्दामा भएको आलु खाने प्रतियोगिताको बिजयीलाई आलु नै उपहार दिइएको छ । स्थानिय सागर गुरुङ आलुले आलु खाने प्रतियोगिता सबैलाई पछि पादै प्रथम भएका थिए ।
थामरा धार्चे युवा क्वलको १२ औं वार्षिक उत्सवको अबसरमा आयोजित आलु मेलामा उनले सबै भन्दा छिटो धेरै आलु खाएर बिजेता भएका थिए ।
बारपाक सुलिकोट गाउँपालिका बारपाकका आशबहादुर गुरुङ् दोसो र धार्चे गाउँपालिकाका सुनकाजी गुरुङ तेस्रो भएको वडा अध्यक्ष तुलबहादुर गुरुङले जानकारी दिए । प्रतियोगितामा पहिलो, दोस्रो र तेस्रो हुनेले क्रमशः ५, ३ र २ पाथी आलु पुरस्कार पाएका छन् ।
स्थानीय थामरा धार्चे युवा क्वल, आलु उत्पादक कृषक समूह र वडा कार्यालयको संयुक्त आयोजनामा १ गते देखि मेला सुरु भएको हो । ५ दिनसम्म चल्ने मेलामा सो क्षेत्रको प्रमुख खाद्य बाली आलु खेतिको बारेमा चर्चा परिचर्चा हुनुका साथै विभिन्न सांस्कृतिक कार्यक्रम समेत हुने आयोजकले बताएको छ ।
त्यहाँका १३० घरधुरीले आलु खेति गर्दै आएका छन् । भदौंमा लगाइएको आलु जेठमा खन्ने गरिन्छ । गुम्दाको आलु छिटो पाक्ने र मिठो हुने भएकाले त्यो क्षेत्रमा लोकप्रिय छ ।
मुख्य खाद्यन्य बालीको रुपमा रहेको आलु खेतिको संरक्षण र प्रवद्र्धनमा युवाहरु लागि परेका छन् । सोही अनुरुप हरेक वर्ष मेला हुँदै आएको छ ।