कैलासबावु श्रेष्ठ
गोरखा – गोरखा सदरमुकामको लक्ष्मी बजारमा सनिबार राती आफ्नै श्रीमानले श्रीमतीको घाँटी रेटी हत्या गरेको छ ।
गोरखा नगरपालिका ९ को लक्ष्मी बजारमा सनिबार राती ११ बजेको समयमा २० बर्षिय याकुव परियारले आफ्नी श्रीमती १९ बर्षिया पुजा परियारलाई सुतीरहेको अवस्थामा खुर्पाले घाँटीरेटेर हत्या गरेको जिल्ला प्रहरी कार्यालय गोरखाले जानकारी दिएको छ । हत्या आरोपी याकुव परियारलाई हिजै राती प्रहरीले घटना स्थलबाट नियन्त्रणमा लिएको छ ।
प्रहरीको अनुसार खाना खाएर संगै सुतेका श्रीमान श्रीमती विच कुनै झै झगडा नभएको तर राती एक्कासी घरमा रहेको खुर्पाले सुतीरहेकी श्रीमतीलाई पटक पटक प्रहार गरेर हत्या गरेको थियो ।
परिवार श्रोतका अनुसार रातको समयमा होहल्ला भए पछि हेर्न जादाँ श्रीमतीको हत्या गरी सकेको अवस्थामा सुत्ने खाट माथि रगतमा लतपतीएको देखे पछि प्रहरीलाई खबर गरेका थिए ।
लागुऔषध दुब्यसनी रहेका याकुवले नियमित रुपमा औषधी सेवन गर्दै आएको तर केही साता यता औषधी खान छोडेका थिए । हत्या भएको श्रीमतीको शब भने प्रहरीले गोरखा अस्पतालमा राखेको छ ।