गोरखा समाचारदाता
गोरखा – नेपाल सरकारले गोरखामा पनि यसै आर्थिक वर्ष भित्र राष्ट्रिय परिचय पत्र लागु गरेको छ । परिचय पत्रका लागि आवेदन फारम दर्ता ईकाइ समेत स्थापनाको अन्तिम तयारी गरी रहेको छ ।
राष्ट्रिय परिचय पत्र तथा पञ्जीकरण विभागले जिल्लामा परिचय पत्रको लागि आवेदन संकलन गर्ने गरी सहायक प्रमुख जिल्ला अधिकारी सम्र्पक अधिकृत रहने गरी ईकाइ स्थापनाको तयारी थालेको छ ।
विभागले शुक्रबार जिल्ला प्रशासन कार्यालयमा सरोकारवालाहरु बिच अन्तरक्रिया गर्दै परिचय पत्र लागु भए पछि धेरै कागज पत्र बोकि रहने झन्झट हट्ने विभागको दावी छ ।
परिचय पत्र भित्र नागरिकता, सवारी लाईसेन्स, जग्गाधनी पुर्जा तथा शैक्षिक योग्यताका विवरण र ब्यक्तिगत विवरण समेत राखिने हुदा एउटै परिचय पत्रले धेरै स्थानमा सहज काम हुने जानकारी दिएको थियो ।
परिचय पत्र लिन चाहने ब्यक्ति १६ वर्ष पुरा भएको हुनुपर्ने, निजले नाम, थर, लिंग, निजको जन्म मिति, ठेगाना, आमा र वावु दुवैको नाम, पति पत्निको नाम, बाजेको नाम र नागरिकताको किसीमको जानकारी दिनुपर्ने छ ।
विभागका कर्मचारीहरुले दिएको जानकारी अनुसार बहुउपयोगी र विश्वमा नै सुक्षित मानिएको यो परिचय पत्र पाउनु अगाडी अनलाईन फारम वा सम्र्पक अधिकारी संग भएको फारममा औठा छाप, हस्ताक्षर, राष्ट्रियता र आँखाको नानीको परिक्षण हुने छ ।
गोरखा जिल्लामा यो परिचय पत्रका लागि यसै आर्थिक वर्ष भित्रको चैत्र मसान्त सम्म फारम संकलन गर्ने र असार मसान्त सम्ममा परिचय पत्र वितरण गर्ने लक्ष्य विभागले लिएको छ । परिचय पत्रका लागि गाउँ गाउँमा फारक संकलनका लागि टोली खटाइने भएको छ ।
अन्तरक्रिया कार्यक्रममा सहभागी हुन गण्डकी प्रदेशका भुमी ब्यवस्था कृषी तथा सहकारी मन्त्रि लेखबहादुर थापाको समेत सहभागिता रहेको थियो । प्रमुख जिल्ला अधिकारी देवेन्द्र लामिछानेको अध्यक्षतामा भएको कार्यक्रममा जिल्लाको ११ पालिकाका प्रमुख तथा उप प्रमुख, विभिन्न राजनैति दलका प्रतिनिधीहरु, प्रमुख प्रशासकिय अधिकृत, सरोकारवाला सरकारी निकाय, शिक्षक तथा सञ्चारकर्मीहरुको उपस्थिती रहेको थियो ।