गाेरखा समाचारदाता
गाेरखा – गण्डकी प्रदेश प्रहरी प्रमुख प्रहरी नायव महानिरीक्षक विनोद शर्मा घिमिरेले प्रहरीलाइ उच्च व्यवसायिक नैतिकता तथा पारदर्शिताका साथ काम गर्न निदेर्शन दिएका छन ।
मंगलबार पोखरा स्थित गण्डकी प्रदेश सशस्त्र प्रहरी गण निरिक्षण गर्न पुगेका गण्डकी प्रदेश प्रहरी प्रमुख प्रहरी नायव महानिरीक्षक घिमिरेले उत्त कुरा बताएका हुन ।
निरीक्षण पश्चात व्यवसायिक प्रहरी सेवा प्रवाहका विषयमा प्रहरी कर्मचारीहरुलाई निर्देशन दिदै घिमिरले समाजमा प्रहरी प्रति आम नागरिकको अपेक्षामा बढोत्तरी भएकाले अब प्रहरीको आचरण र व्यवहारमा परिवर्तन गरी सहयोग र भातृत्वको भावना विकास गर्दै लान निदेर्शन दिएका थिए ।
उनले साेही अवशरमा सहभागी प्रहरीहरूलाइ व्यवसायिक नैतिकता तथा पारदर्शी रुपमा समयानुकुल जनलक्षित प्रहरी सेवा प्रवाह गर्न हर-प्रहर क्रियाशिल भई लाग्न समेत प्रहरी कर्मचारीहरुलाई निर्दैशन दिएका थिए ।
निरिक्षणाका लागि पुगेका घिमिरेलाइ गणका प्रमुख प्रहरी उपरीक्षक राजेन्द्र विष्टले स्वागत गरेका थिए ।
प्रहरी नायव महानिरीक्षक घिमिरेले कार्यालयमा कार्यरत प्रहरी कर्मचारीहरु, विभिन्न शाखा, प्रशिक्षार्थीहरु तथा प्रहरी कर्मचारीहरुको मेष, व्यारेक, क्यान्टिन, हातहतियार मर्मत शाखा र क्षेत्रीय प्रहरी अस्पतालको समेत निरीक्षण गरेका थिए ।
सोही अवसरमा खोच तथा तालमा अड्कीएका र डुवेका मानिसहरुको उद्धार र भिड नियन्त्रण सम्बन्धी नमुना प्रदर्शनको समेत अवलोकन गरेका थिए ।
कार्यक्रममा गण्डकी प्रदेश प्रहरी कार्यालय पोखराका समादेशक प्रहरी वरिष्ठ उपरीक्षक प्रकाश जंग कार्की, संघीय प्रहरी इकाई कार्यालय पोखराका प्रमुख प्रहरी वरिष्ठ उपरीक्षक पुजा सिंह, गण्डकी प्रदेश ट्राफिक प्रहरी प्रमुख प्रहरी उपरीक्षक बिरेन्द्र कुमार बस्याल, जिल्ला प्रहरी कार्यालय कास्की प्रमुख प्रहरी उपरीक्षक दान बहादुर कार्की लगायतकाे उपस्थिति रहेको थियो ।