गाेरखा समाचारदाता
गाेरखा – देशभर चोरीका घटनामा वृद्धि भएको छ । प्रहरी प्रधान कार्यालयले दिएको जानकारीअनुसार आव २०७५/०७६ मा चोरीका घटनामा २ हजार ६ सय ४६ व्यक्ति विरुद्द मुद्दा दायर गरेको हो ।
मुद्दा दायर भएकामध्ये साधारण चोरीमा धेरै रहेको छ । साधारण चोरीमा २ हजार १ सय ४२ जना विरुद्ध मुद्दा दायर गरिएको छ । यस्तै, डाँका चोरी १ सय ९९, नकबजनी चोरी १ सय ५५, सवारी चोरी १ सय २३, चौपाया चोरी ११, पुरातात्विक चोरी ४ र रहजनी चोरीमा ३ जना विरुद्ध मुद्दा दायर गरिएको हो ।
केन्द्रीय प्रहरी प्रवक्ता, प्रहरी नायब महानिरीक्षक विश्वराज पोखरेलले रातिको समयमा भन्दा दिउँसोको समयमा बढी चोरी हुने गरेको बताए । “दिउँसो घरमा कोही नभएको अवस्था पारेर धेरै चोरी हुने गरेको छ”, उनले भने ।
प्रहरीले आव २०७४/०७५ मा चोरीका घटनामा १ हजार ६ सय २८ व्यक्तिविरुद्ध मुद्दा दायर गरेको थियो ।