कैलासबावु श्रेष्ठ
गोरखा – गोरखा सदरमुकामको टक्सारमा १ कम श्रवण शक्ति भएका ब्यक्तिको शंकास्पद मृत्यु भएको छ ।
गोरखा नगरपालिका १० को कुवाडी सामुदायिक बनमा स्थानिय ५० बर्षिय श्यामहरी घिमीरेको मृत्यु शरिर फेला परेको हो ।
आईतबार राती देखी हराएका घिमीरेलाई बिहान खोज्ने क्रममा उत्त स्थानमा फेला परेको मनकामना बहिरा बिद्यालयका बिद्यालय ब्यवस्थापन समितिका अध्यक्ष खडानन्द रेग्मीले बताए ।
सोही बिद्यालयमा काम गर्ने घिमीरे आईतबार राती ८ः३० बजे खाना खाएर घर जान निश्किएको बिद्यालयका अर्का कर्मचारी निरेश गुरुङ्ग बताए । घिमिरे सोमबार बिहान सम्म पनि घर नपुगे पछि परिवारले उनको खोजी गरेको थियो ।
बिद्यालय परिषर भन्दा १ सय मिटर पर जंगलको बिच भागमा फेला परेको घिमिरेको शरिरभरी नै चोटपटक लागेको देखिएको बिद्यालयका प्रधानाध्यापक अनिल अंगाईले बताए ।
छिमेकी सुवास घिमीरेका अनुसार मृक्तकको शरिरबाट कुनै पनि कुरा नहराएकोले लुटपाटको उद्वेश्यले भन्दा पनि सवारी साधानले ठक्कर दिएर जंगलमा फालिएको आशंका गरे । घटना स्थलमा स्थानियको ठुलो भिड लागेको छ ।
मृत्तकको एउटा खुट्टाको चप्पल र प्लाटिकको झोलामा रहेको सामान भने सडक किनारामा नै फेला परेको जिल्ला प्रहरी कार्यालय गोरखाले जानकारी दिएको छ । घटनाको बिषयमा अनुसन्धान भई रहेकोले हत्या हो वा होइन भन्न नसकिने जिल्ला प्रहरी कार्यालय गोरखाका प्रहरी नायब उपरिक्षक महेन्द्र नेपालले बताए ।
मृत्तक घिमिरेको शरिर सडक किनारा देखी १ सय मिटर तल जंगलमा फेला परेको हो ।