गोरखा समाचारदाता
गोरखा – गोरखा सदरमुकाममा जनसेवी लघु बित्त बित्तिय संस्था लि.को बार्षिक समिक्षा कार्यक्रम सम्पन्न भएको छ ।
गण्डकी प्रदेशको पर्वतमा मुख्य कार्यालय रहेको संस्थाले आर्थिक बर्ष ०७५/०७६ को बार्षिक समिक्षा कार्यक्रम गोरखा सदरमुकाममा सम्पन्न गरेको संस्थाका बरिष्ठ प्रबन्धक केशव प्रधानले जानकारी दिए ।
आईतबार बिहान समिक्षा कार्यक्रमको उदघाट्न गर्दै प्रमुख जिल्ला अधिकारी देवेन्द्र लामिछानेले लघु बित्त बित्तिय संस्था मर्जर मात्र भएर नपुग्ने । संस्था मर्जर भएर पछि बर्गर जस्तो हुनुपर्ने बताए । प्रजिअ लामिछानेले कार्यक्रमलाई संबोधन गर्दै संस्था बढी पारदर्शी भए मात्र लामो समय सम्म टिक्ने भएकाले त्यता तर्फ बढी ध्यान दिन समेत सञ्चालकहरुलाई आग्रह गरेका थिए ।
गण्डकी र ५ नम्बर प्रदेशका गोरखा, पर्वत, तनहुँ, कास्की, बाग्लुङ्ग, म्याग्दी, गुल्मी, रुकुम, रोल्पा र रुकुम पुर्व गरी १० जिल्लामा २५ शाखा रहेको संस्थाका शाखा प्रमुखहरुले शाखाले गत आर्थिक बर्षमा गरेको गतिविधीको बिषयमा जानकारी गराएका थिए ।
१७ हजार सदस्य रहेको संस्थाले गएको आर्थिक बर्षमा सञ्चालन खर्च कटाएर २ करोड २९ लाख रुपैयाँ खुद नाफा कमाउन सफल भएको छ ।
नेपाल राष्ट्र बैंक बाट घ बर्गको स्विकृती पाएको जनसेवीले असोज महिना भित्रै २५ जिल्लामा काम गरी रहेको कालिका लघु बित्त बित्तिय संस्था लि.संग मर्जर हुने भएको छ । मर्जर पछि यो संस्था नेपालको छैटौ ठुलो लघु बित्त हुने छ ।
फणिन्द्र पाण्डेले संञ्चालन गरेको कार्यक्रममा र जनसेवीकाका संञ्चालक समितिका अध्यक्ष बिकास गौचनको अध्यक्षतामा भएको कार्यक्रममा कालिका लघु बित्त बित्तिय संस्था लि.का प्रमुख कार्यकारी मिनबहादुर बोहरा, सञ्चालक कृण्णकाजी केसी, विश्वराज नेपाल र नित्यानन्द तिवारी तथा जनसेवी लघु बित्त बित्तिय संस्था लि.का संञ्चालक मेघनाथ सुवेदी र पद्यमराज रेग्मी समेतले सहभागीहरुलाई प्रशिक्षण मुलक मन्तब्य राखेका थिए ।
कार्यक्रममा जनसेवीकाका सञ्चालक कुलप्रसाद गुरुङ्ग र नेत्र पराजुलीको समेत सहभागिता रहेको थियो ।
