गोरखा समाचारदाता
फाल्गुण ३ गते । नेत्रबिक्रम चन्द ‘विप्लप’ नेतृत्वको नेपाल कम्युनिष्ट पार्टीले जिल्लामा समानान्तर सत्ता निर्माण गरेको छ । पालुटार नगरपालिका वडा नम्बर ७ मा भएको भेलाले विष्णु प्रसाद रिमाल सरकार प्रमुख रहने गरी ११ सदस्यिय जनसत्ता गठन गरेको उक्त पार्टीका गोपाल पाण्डेले जानकारी दिए । सोही अबसरमा २५ सदस्यिय जिल्ला परिषद् समेत घोषणा गरिएको छ ।
हाललाई जनसरकार प्रमुख रिमाल नै सभामुख रहेन गरी बनाइएको जनसत्ता र जिल्ला परिषद् दुबैको सदस्यको नाम भने गोप्य राखिएको छ । गण्डक व्युरो इन्चार्ज साबित्री दुराको प्रमुख आतिथ्यतामा भएको कार्यक्रममा प्रदेश सभाकी सभामुख, जिल्ला इन्जार्ज, जिल्ला सेक्रटरी लगायतको उपस्थिती रहेको थियो ।
उक्त भेलाले जिल्लाका विभिन्न समयसमायिक ८ वटा विषयमा असमती जनाउँदै भण्डारफोर अभियान सञ्चालन गर्ने निर्णय गरेको पाण्डेले बताए । स्थानीय बिकास अधिकारीको संग्नतामा जिल्लाका ठुला नदीहरुमा, गिट्टी बालुवा दोहन गरिएको भन्दै त्यस प्रति आफ्नो गम्भिर ध्यानाकर्षण भएको निर्णय गर्दै उक्त कार्यको भण्डाफोर गर्ने उनले बताए ।
भुकम्प पछिको पनुःनिर्माणको कामले गतिलिन नसकेको बेला एनजिओ÷ आइएनजिओको पैसामा जिल्लाका कार्यालय प्रमुखहरुले पोखरामा मोजमस्ती गरेको भन्दै त्यसबारे पनि असहमती जायर गरी छलफल गरेको पाण्डेले बताए ।
