मोहसिन अलि मियाँ/गोरखा
माघ २३ गते । लाभग्राही सुचीमा नाम छुट भई गुनासो फारम भरेकाहरुको घर पुन्ःसर्वेक्षण नहुदा भुकम् पिडित अन्यौलमा परेका छन् । जिल्लामा करिब ४ हजार भुकम्प भुकम्प पिडितको घर पुनःसर्वेक्षण हुन बाँकी रहेको भएपनि राष्टिूय पुनःनिर्माण प्राधिकरणले इन्जिनियर नखटाउदा अन्यौल भएको उनिहरुको गुनासो छ ।
भुकम्प गएको करिब ३३ महिना बितिसक्दा समेत घर पुनःसर्वेक्षण नहुदा छुट भएका भुकम्पपिडित भने चिन्तित बनेका छन् । ‘खै टहरोमा कति बस्ने, घर नाप्न नि आउदैन, भुकम्प ३ बर्ष पुग्न लागिसक्यो’ पालुंटार नगरपालिकाकी सुनिता बस्नेतले भनिन् ।
गत साउन २८ गते देखि जिल्लामा पुनःसर्वेक्षण्मा खटिएका इन्जिनियरलाई काम नै सम्पन्न नगरी सरकारले गत महिना फिर्ता बोलाएको थियो । जिल्लामा १५ हजार भन्दा बढि घर लाभग्राहीमा नाम छुटेको भन्दै गुनासो फारम संकलन भएको छ तर साउन देखि कार्तिक मसान्तसम्म ११ हजार ९ सय ६३ मात्र घर पुनःसर्वेक्षण सम्पन्न भएको थियो । राष्टिूय पुनःनिर्माण प्राधिकरणको केन्द्रिय कार्यालयले करार अवधी सकिएको र केही दिन मै इन्जिनियर पुनः खटाउने भन्दै फिर्ता बोलाएको थियो । तर इन्जिनियर फिर्ता भएको ३ महिना बितिसक्दा समेत गाँउमा इन्जिनियर नखटाउदा पुनःनिर्माण थप प्रभावित बनेको छ । पुनःसर्वेक्षणको काम रोकिदा कार्तिक मसान्त भन्दा पहिला सर्वेक्षण भएका घरहरुको समेत गुनासो सम्बोधन हुन सकेको छैन ।
यता राष्टिूय पुनःनिर्माण प्राधिकरण जिल्ला समन्वय समितीको सचिवालय पनि जिल्लामा पुनः सर्वेक्षणको काम सुरु हुन अझै १५ दिन लाग्ने बताउछ । ‘अझै लाग्छ होला १५ दिन जति, केन्द्रमा तयारी भइराको छ भन्ने सुनेको छु, पुनःसर्वेक्षणको काम ब्यवस्थापन गर्न समिती नै गठन भएको छ रे, समितीले काम गर्दैछ’ सचिवालयका शिवलाल पौडेलले भने ।
प्राधिकरणको केन्द्रिय कार्यालयले जिल्लामा पुनःसर्वेक्षण गर्न नयाँ इन्जिनियर नपठाई यहाँ कार्यरतलाई नै छनौट गरि खटाउने तयारी भएको पौडेलको भनाई छ । ‘अब पुनःसर्वेक्षण गर्न नयाँ इन्जिनियर आउदैनन होला, यहाँ भकै इन्जिनियरलाई छानेर तालिम दिएर खटाउने सम्भावना छ’ ।
जिल्लामा अझै गुनासो फारम भरेका करिब ३ हजार ८ सय भन्दा बढिको सर्वेक्षण बाँकी छ । गोरखा नगष्रपालिकाको वडा नम्बर ११, १२ र १४, पालुंटार नगरपालिकाको ३ वटा वडाहरु र गण्डकी गाँउपालिकाको ६ नम्बर वडामा पुनःसर्वेक्षणको काम बाँकी रहेको सचिवालयले जनाएको छ ।
