मोहसिन अलि मियाँ/गोरखा
माघ ७ गते । गोरखा उद्योग वाणिज्य संघको आगामी कार्यकालको लागि जिवनज्योती श्रेष्ठले उम्मेदवारी घोषणा गरेका छन् । बर्तमान प्रथम उपाध्यक्ष समेत रहेका श्रेष्ठले शनिबार सदरमुकाममा पत्रकार सम्मेलन गर्दै अध्यक्षमा उम्मेदवारी दिन लागेको बताएका हुन् ।
२०५० साल देखि संघमा आवद्ध भइ बिभिन्न पद र जिम्मेवारी सम्हाल्दै आएको भन्दै श्रेष्ठले आफु नै सबैको साझा उम्मेदवार भएको दावी गरेका छन् । ‘म संग संघमा रहेर काम गरेको धेरै अनुभव छ, विगतमा मलाई दिइएको जिम्मेवारी पनि कुशलतापूर्वक सम्पन्न गरेको छु, त्यसैले पनि सबैले मलाई नै अघि सार्नुभएकोछ’ उम्मेदवारी घोषणा गर्दै श्रेष्ठले भने ।
अध्यक्ष भएपछि ब्यवसायीहरुलाई एकतावद्ध बनाउने र उनिहरुको हक हितमा काम गर्ने बताउदै श्रेष्ठले अब्यवस्थित बजारीकरणलाई ब्यवस्थित बनाउने योजना रहेको बताएका छन् । त्यस्तै जिल्ला भित्रै रोजगारीको अवसर जुटाउने गरि काम गर्ने उनको भनाई छ । ‘जिल्लाको श्रमशक्तिलाइ सकेसम्म हामी बाहिरीन दिदैनौ, गोरखामा नै रोजगार डेक्सको स्थापना पनि गर्ने योजना छ’ श्रेष्ठले भने ।
उनको उम्मेदवारी घोषणा कार्यक्रममा अधिकांश पूर्व अध्यक्षहरुको उपस्थिती रहेको थियो । कार्यक्रममामा बोल्दै संघका अध्यक्ष श्रवण कुमार जोशीले श्रेष्ठ सबैको साझा उम्मेदवार भएको बताएका छन् । ‘उहाँलाई सबै पूर्वअध्यक्ष सहित मेरो पनि साथ र सहयोग छ, अध्यक्ष बन्न उहाँ योग्य हुनुहुन्छ, अबको कार्यकाल उहाँ कै नेतृत्वमा बन्छ’ अध्यक्ष जोशीले भने ।
२१ जना कार्यसमिती रहने संघमा आगामी २१ गते १३ जनाका लागि चुनाव हुने बताइएको छ । अध्यक्ष् सहित बरिष्ठ उपाध्यक्ष, द्धितिय उपाध्यक्ष, महासचिव, कोषध्यक्ष, सचिव र ७ सदस्यका लागि चुनाव हुने संघको भनाई छ । जिल्लामा करिब ७ सय ब्यवसायी मतदाता रहेको गोरखा उद्योग बाणिज्य संघमा आरुघाट, भच्चेक, मनकामना र पालुंटार गरी चार इकाई आवद्ध रहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए