गोरखा समाचारदाता
जिल्ला जारी समानुपातिक मतगणनामा माओवादी र काँग्रेस वीच कडा प्रतिस्पर्धा देखिएको छ । सोमबार साँझ सम्म दुई वटै निर्वाचन क्षेत्रको गरी ५६ हजार ३२८ मत गणना हुँदा माओवादी ४२१ मतले अगाडी देखिएको छ । क्षेत्र नम्बर १ र २ को छुट्टाछुटै भएको मतगणनको क्रममा क्षेत्र नम्बर १ मा माओवादी केन्द्रले ९ हजार २५६ मत ल्याएको छ । उसलाई पछ्याईरहेको नेपाली काँग्रेसको ८ हजार ७७९ मत छ । यसैगरी नेकपा एमालेले ५ हजार २१० र नयाँ शक्ति नेपालले २ हजार २४९ मत पाएका छन् । क्षेत्र नम्बर १ मा मात्र ३ हजार ७९ मत बदर भएको छ ।
उता क्षेत्र नम्बर २ मा भने झिनो मतले काँग्रेस अगाडी छ । सोमबार साँझ सम्म गणना भएको २५ हजार ८४३ मत मध्ये काँग्रेसले ५६ मतले अग्रता लिएको छ । काँग्रेसले ७ हजार ३३० मतका पाएको छ भने उसको प्रतिद्धोन्दी माओवादी केन्द्रको ७ हजार २४ मत छ । क्षेत्र नम्बर २ मा एमाले भन्दा नयाँ शक्ति अगाडी छ । नयाँ शक्तिका संयोजक डाक्टर बाबुराम भट्टराई प्रत्क्षय तर्फ बिजयी भएको उक्त क्षेत्रमा नयाँले ४ हजार ७३० मत ल्याएको छ । चौथो स्थानको एमालेले २ हजार ९४० मत प्राप्त गरी पछ्याइरहेको छ ।
क्षेत्र नम्बर २ मा २ हजार ४२६ मत बदर भएको छ । अन्य साना दलले भने निकै कम मत पाएकाले उनीहरुको २ अङ्कको संख्या मा नै देखिएका छन् । गोरखामा प्रदेश र प्रतिनिधी सभा निर्वाचनमा कुल १ लाख २३ हजार ७८१ मत खसेको थियो । जस अनुसार क्षेत्र नम्बर १ मा ६३ हजार ६७२ र क्षेत्र नम्बर २ मा ६० हजार १०९ मत खसेका हो । आइतवारबाट सुरु भएको समानुपातिक मतगणना अझै आधा भन्दा बढि गणना हुन बाँकी छ । बुधबार साँझ सम्म गणना सक्ने निर्वाचन कार्यालय अपेक्षा छ ।
