गोरखा समाचारदाता
नवनिर्वाचित जनप्रतिनिधीहरुले जनतालाई छिटो छरितो सेवा दिन जिल्लाका सरकारी कार्यालयहरुलाई निर्देशन दिएका छन् । उनीहरुको सम्मानमा कार्यालय प्रमुखहरुले आयोजना गरेको बधाई तथा शुभकामना आदानप्रदान कार्यक्रम बोल्दै उनीहरुले यस्तो बताएका हुन् । ‘हाम्रो सरोकार बिधिको शासन पालना होस् भन्ने हो’ गोरखा क्षेत्र नम्बरबाट बिजयी सांसद डाक्टर बाबुराम भट्टराईले भने ‘बिगतमा भन्नलाई चाँही बिधिको शासन भन्ने तर कर्मचारीहरुले नै मिच्ने प्रवृति थियो अब यस्तो हुनुहुँदैन ।’ मुलुक लोकतान्त्रिक व्यवस्थामा गईसकेकाले अहिले राज्यको सेवा तल्लो स्तर सम्म पु¥याउन कर्मचारीले ठुलो भुमिका खेल्नु पर्ने भन्दै पुर्वप्रधानमन्त्री डाक्टर भट्टराईले बिधिको पालना गराउनमा जोड दिन कार्यालय प्रमुखहरुलाई निर्देशन समेत दिए । ‘एउटा सांसदको नाताले हाम्रो के अपेक्षा हो भने बिधिको शासन पालना गराउनमा तपाईहरु कटिबद्ध हुनुहुनेछ, जसबाट निमुखा जनताले न्याय पाउँन’ उनले भने ।
राज्यको निति नियम बिपरित काम गर्ने जो सुकैलाई कानूनी कठघरामा ल्याउन कार्यालय प्रमुखहरुले महत्वपुर्ण भुमिका खेल्नु पर्ने जनप्रतिनिधिहरुको भनाई छ ।‘तपाइँहरुले जनतालाई सेवा दिईरहनुभएको छ, अझ विना पुर्वाग्रह छिटो छरितो सेवा दिन ध्यान जाओस्’ क्षेत्र नम्बर १ को प्रदेश सभा ‘क’ बाट बिजयी सांसद रामशरण बस्नेतले भने ।
मुलकमा अब राजनितिक संक्रमणकाल सकिएको र नयाँ व्यवस्थामा प्रवेश गरेकाले राज्यको स्थिर सरकार कर्मचारी प्रशासनले यसलाई सफल बनाउन भुमिका खेल्नु पर्ने उनीहरुको तर्क छ । प्रमुख जिल्ला अधिकारी जितेन्द्र बस्नेत जिल्लाको अबस्था, बिकास निर्माण, सरकारी कार्यालयको सेवा प्रवाह, भुकम्प पछिको पुर्ननिर्माण, बुढीगण्डकी आयोजनाको मुआब्जा वितरण लगायतका बारेमा जनप्रतिनिधिहरुको ध्यानाकर्षण गराएका थिए ।
‘ठेक्का मार्फत भएका विकास निर्माणका काम सन्तोषजन छैन, उनीहरुले काम मात्र ओगटेर बसेका छन्’ प्रजिअ बस्नेतले भने ‘त्यसलाई यहाँहरुले खबरदारी गरिदिनु परयो।’ भुकम्प गएको लामो समय सम्म पुर्ननिर्माणको कामले गति लिन नसकेको भन्दै, झण्झटिला नितिगत व्यवस्था हटाएर पुर्ननिर्माणको कामलाई सरलिकृत बनाउन पहल गर्नुपर्नेमा जोड दिएका थिए । उ
त्तरी गोरखा जोड्ने सडक निर्माणको काम भईरहे पनि चिन तर्फबाट ट्याक खोल्ने काम गर्ने हो भने त्यहाँका जनतालाई सहज हुने भन्दै जनप्रतिनिधीहरुलाई ध्यान दिन प्रजिअ बस्नेत आग्रह गरेका छन् । जनप्रतिनिधिहरुले कार्यालय प्रमुखहरुका तर्फबाट प्रमुख जिल्ला अधिकारीले दिएको सुझाबका आधारमा काम आफूहरु पहल गर्ने प्रतिवद्धता समेत व्यक्त गरेका छन् ।
