मोहसिन अलि मियाँ/गोरखा
मंसिर २० गते । २१ गते साँझ ५ बजेदेखि हुने गोरखामा मतगणनाका लागि तारजाली र सिसी क्यामेरा जडान गरिएको छ । प्रतिनिधी र प्रदेशसभाको निर्वाचनको मतगणना स्थलको सुरक्षालाई मध्यनजर गर्दै तारजाली र सिसी क्यामेरा जडान गरिएको हो ।
दुइ निर्वाचन क्षेत्र र चार प्रदेश रहेको गोरखामा दोस्रो चरणको मतदान सकिने बित्तिकै मतगणना सुरु गर्नका लागि तयारी पुरा भएको जिल्ला निर्वाचन कार्यालय गोरखाले जनाएको छ । ‘२१ गतेबाट मतगणना सुरु गर्न हामीले सबै तयारी पुरा गरिसकेका छौ, यो पटक मतगणना स्थलको सुरक्षा निक्कै कडा बनाएका छौ’ जिल्ला निर्वाचन अधिकृत नारायण प्रसाद सापकोटाले भने ।
गोरखा क्षेत्र नम्बर १ को महिला तथा बालबालिकाको कार्यालयको भुइतल्ला र क्षेत्र नम्बर २ को जिल्ला समन्वय समितीको माथिल्लो हलमा मतगणना गर्ने ब्यवस्था मिलाइएको सापकोटाको भनाई छ । ‘जुन क्षेत्रको मतपेटिका जहा भण्डारण गरिएको छ त्यही कार्यालयको हलमा हामीले मतगणना गर्न सबै ब्यवस्था मिलाएका छौ, तार जाली लगाउने, सिसी क्यामेरा जडान गर्ने लगायतका सम्पूर्ण काम सकिसकेको छ’
मतगणना स्थलमा बिचमा तारको जाली लगाइएको छ र एकापट्टि उम्मेदवारका प्रतिनिधी बस्ने ब्यवस्था मिलाइएको निर्वाचन कार्यालयको भनाई छ । त्यस्तै एकापट्टि भने मतगणना हुने कार्यालयले जनाएको छ । बिचको तारको जालीबाट मत गणना भएको दृष्य प्रष्ट देखिने बनाइएको सापकोटाको भनाई छ । ‘मत गन्ने हलको बिचमा लगाइएको तार जालीबाट मत गनेको स्पष्ट देखिन्छ, उम्मेदवारका प्रतिनिधीले त्यो जाली समेत छुन नपाउने नियम बनाएका छौ’
यो पटक मतगणना स्थलमा जान जो कोही नपाउने नियम बनेको छ । मतगणना स्थलमा पत्रकार तथा पर्यवेक्षकलाई समेत प्रवेश निशेध गर्ने गरी नियम बनेको सापकोटाको भनाई छ । मतगणना गर्न सरकारी कर्मचारी खटाउने गरी कर्मचारीको दुइ समुह बनाइएको कार्यालयले जनाएको छ । ‘हामीले सरकारी कर्मचारी मात्रै खटाउछौ, मतगणना गर्नका लागि कर्मचारीलाई समुह बनाएका अभिमुखिकरण समेत दिइसकेका छौ’ जिल्ला निर्वाचन अधिकारी सापकोटाले भने । त्यस्तै कार्यालयले मत परिणामको जानकारी दिन सुचना डेक्सको स्थापना समेत गरिने तयारी गरेको जनाएको छ । मत गणनाको अन्य तयारीका लागि आज १२ बजे उम्मेदवारहरुंग बैठक बस्न लागेको समेत कार्यालयले जनाएको छ ।
सर्वाधिक चासोमा रहेको गोरखाको मतपरिणाम आउन भने कम्तिमा आठ दिन लाग्ने बताइएको छ । ‘पहिला १० दिन लाग्छ भनेका थियौ तर अहिले हामीले ८ दिनमा सक्ने योजना सहित मतगणना गर्ने योजना बनाएका छौ, हेर्दै जाउ सकेसम्म छिटो मत परिणाम दिन्छौ’ सापकोटाले भनेका छन् ।
१ लाख ८९ हजार ४ सय ४८ मतदाता रहेको गोरखामा १ लाख २३ हजार ७ सय ८१ मत खसेको थियो । गोरखा क्षेत्र नम्बर १ मा लोकतान्त्रिक गठबन्धनबाट चिनकाजी श्रेष्ठ र बाम गठबन्धनबाट हरिराज अधिकारी चुनावी मैदानमा छन् । त्यस्तै पहिलो चरणमा देश बिदेशमा चर्चा र चासोमा रहेको गोरखा २ डाक्टर बाबुराम भट्टराई र नारायणकाजी श्रेष्ठ को चुनावी भिडन्त छ । गोरखा क्षेत्र नम्बर –१ मा ६३ हजार ६ सय ७२ मत खसेको छ भने क्षेत्र नम्बर २ मा ६० हजार १ सय ९ मत खसेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए