गोरखा समाचारदाता
अक्र्सफामले सरकारी निकाय स्वीकृती नै नलिई गोरखामा प्रबलीकरण (रेट्रोफिटिङ) तालिम सञ्चालन गरेको छ । भुकम्पपछि जिल्लाका स्थानीय साझेदार संस्थाहरुको सहकार्यमा काम गर्दे आएको उक्त संस्थाले सुलिकोट गाउँपालिका र सहिद लखन गाउँपालिकामा गरेको प्रबलीकरण तालिमका लागि सरकारी निकायबाट स्वीकृती लिएको छैन् । ‘मैले पनि तालिम दिनुभएको छ रे भन्ने सुनेको छु त्यसबारेमा हामीलाई केही जानकारी छैन’ पुर्ननिर्माण प्राधिकरण जिल्ला समन्वय समितिको सचिवालयका निमिक्त प्रमुख शिवलाल पौडेलले भने । गैरसरकारी संस्थाको मनोमानी फेरी बाहिर आएको छ ।
अक्सफार्मले सरकारी निकायलाई अटेर गरी आफू खुसि कार्यक्रम गरेको भन्दै आलोचना सुरु भएको छ । ‘उहाँहरुले कस्ले काम गर भन्यो, कहाँको प्रविधि ल्याउनु भएको हो ? मान्यता प्राप्त छ छैन हामीलाई केही थाहा छैन्’ पौडेले भने । विल्ड चेन्ज नामक सस्था सँगको साझेदारीमा जिल्लाका २ स्थानमा ४५ दिनको तालिम सञ्चालन गरिएको छ । ‘सिएलपिआइयुले रेट्रोफिटिङ सम्बन्धी कोर्ष नै स्वीकृत गरेको छैन, उहाँहरुले आफू खुसी तालिम दिनुभएको छ’ पौडेलले भने ‘उक्त कामको मोनिटरिङ कस्ले गर्ने मापदण्ड पुगे नपुगेको कस्ले हेर्ने हो बडो अन्यौल भएको छ ।’
हाल प्राधिकरणको निजि आवास अनुदान कार्यविधि र आवश्यक मापदण्ड बोकेर गाउँ पुगेका इन्जिनियरलाई पनि रेट्रोफिटिङ सम्बन्धी कुनै पनि जानकारी नभएको प्राधिकरणले जनाएको छ । झण्डै ३ हजार घरहरु प्रवलीकरणको सूचिमा परेको गोरखामा सरकारी पक्षबाट अहिले सम्म एउटा घर पनि मर्मत सुरु भएको छैन । तर अक्सफार्मले तालिम दिदै २ वटा घर मर्मत गरिरहेको छ । मर्मत र्शीषकमा एक लाख अनुदान दिने भनिए पनि गोरखा नगरपालिका भित्रका १ दर्जन पिडितले मात्र प्रवलीकरण अनुदान प्राप्तीका लागि सम्झौता फारम भरेका छन् । ‘हामीले केन्द्रमा सोध्दा गाइडलाइन, सिलेबस केही बनेको छैन भन्छ, तर उहाँहरुले भट्टाभट तालिम दिनुभएको छ’ प्राधिकरण जिल्ला समन्यव समितिका पौडेलले भने ।
यता अक्सफार्मले भने आफूले सरकारसँग स्वीकृती लिएरै काम गरको दाबी गरेको छ । अक्सफार्म गोरखा प्रमुख बिजयराज पन्तले गोरखा सामाचारसँग कुराकानी गर्दै भने ‘हामीले एनआरए र अन्य सरकारी निकायको स्वीकृतीमा नै काम गरिरहेका छौ, रेट्रोफिटिङ तालिम मात्र हैन सबै काम उहाँहरुकै स्वीकृतमा भएको छ ।’ विषयगत सरकारी कार्यालयहरुमा आफूले गर्ने कार्यक्रम बारे पहिले नै जानकारी गराईसकेकाले रेट्रोफिटिङ तालिमका बारेमा पनि सोही बेला स्पष्ट रुपमा कार्यक्रम पेश गरेको अक्र्सफार्मको तर्क छ । ‘हरेक कार्यक्रमको अप्रुबल लिइराख्नु पर्छ भने हामीलाई थाहा छैन, तर अक्र्सफामले गर्ने कामका बारेमा कुनै पनि सरकारी निकाय बेखबर छ जस्तो हामीलाई लाग्दैन्’ पन्तले भने । पुर्ननिर्माण प्राधिकरणले भने उक्त बिषय नयाँ भएकाले हाल सम्म औपचारिक रुपमा कसैलाई स्वीकृती दिएको छैन् । ‘
मैले मौखिक रुपमा बुझ्दा प्राधिकरण र सिएलपिआइयु दुबैले अहिले सम्म कुनै गैससलाई स्वीकृती दिएको छैनन भन्नु भएको छ, त्यसकारण मैले मेल समेत लेखेको छु’ प्राधिकरण जिल्ला समन्यव समितिका पौडेलले भने । शहरी बिकास तथा भवन डिभिजन कार्यालयमा रहेको केन्द्रिय आयोजना कार्यन्वयन इकाइले रेट्राफिटिङको आधारभुत मापदण्ड निर्माण गरी उक्त तालिमको पाठ्यक्रम बनाएपछि मात्र रेट्रोफिटिङले मान्यता पाउने उनको भनाई छ ।
तर अक्सफार्मले उसका साझेदार सस्थाहरु तुलसी मेहर युनेस्को क्लव सँगको साझेदारीमा शहिद लखन गाउँपालिकाको घैरुङ र एकिकरण नेपाल मार्फत सुलिकोट गाउँपालिकाका वडा नम्बर ५ ताकुमाझ लाकुरीबोटमा १०/१० जना स्थानीयलाई प्रयोगात्मकरुपमा प्रवलीकरण अर्थात रेट्रोफिटिङ तालिम दिनुका साथै १/१ वटा घर मर्मत गरिराखेको छ ।
