नरेन्द्र ढकाल/गोरखा
कम्युनिष्ट आन्दोलनको बिर्सनको बाधक नारायणकाजी श्रेष्ठ भएको डाक्टर बाबुराम भट्टराईले दाबी गरेका छन । गोरखा क्षेत्र नम्बर २ को भच्चेक बजारमा आयोजित चुनावी सभालाई सम्बोधन गर्दै उनेले एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्ड सहमत हुँदाहुँदै पनि नारायणकाजीले नमानेकाले कम्युनिष्ट गठबन्धन बनेको बताउनुभएको छ । ‘कम्युनिष्ट पार्टीहरु एमाले पनि माओवादी रुपान्तिरित हुनुपर्छ, यदि यी पार्टीहरु नयाँ समाजबादी शक्तिको रुपमा रुपान्तरित हुन्छन् भने हामी पनि तयार हुन्छौ भनेकै हो’ डाक्टर भट्टराईले भने । उक्त कार्यको बिरोध गरेर नारायणकाजीले अहिलेको गठबन्धन बनाएको उनको आरोप छ । भित्री रुपमा एमाले अध्यक्ष ओली र माओवादी केन्द्रका अध्यक्ष प्रचण्डसँगमा दुबै पार्टी रुपान्तरित हुने कम्युनिष्ट पार्टी छोड्ने सम्मको कुरामा भएको भट्टराईले खुलासा गरेका छन् । ‘मैले भित्ररुपमा भन्दा खेरी कम्युनिष्ट पार्टी छोड्ने हो नयाँ बन्ने हो, समाजबादी पार्टी बनाउने हो, भन्ने कुरामा हामी बिच सहमती भएकै हो म केपीजी सँग कुरा गर्न तयार छु, प्रचण्डजीसँग पनि कुरा तयार छु’ उनले भने ।
मुलकमा संबिधान सभा मार्फत लोकतान्त्रिक गणतन्त्र स्थापित भईसकेकाले माओवादी र कम्युनिष्ट आन्दोलनको औचित्य सकिएको भन्दै दुबै पार्टी रुपान्तरण हुनुपर्छ भन्ने कुरामा अरुले सहमती जनाएपनि नारायणकाजीले नमानेको आरोप भट्टराईको छ । ‘मैले दुःख साथ भन्नुपर्छ त्यसका बाधक मेरा प्रतिपर्धी मित्र हुनुहुन्थ्यो उहाँले उक्त कुरा भाँड्नु भयो, भोलीपल्ट मलाई केपीजीले भन्नुभयो ।’ आफूलाई ढुलमुले चरित्रको मान्छे भन्ने गरेको प्र्रति कटाक्ष गदै उनले नेपालमा आपूm सधै लोकतन्त्र र बिकासको पक्षमा भएको दाबी गरे । संसारमा कम्युनिष्ट शासन व्यवस्था बिकास र समृद्धिका लागि बाधक भएकोले अब समाजबादी नयाँ राजनितिक शक्ति आवश्यक रहेकाले आफूले माओवादी छोडेको उनको भनाई छ । ‘म कसरी ढुलमुले भए, म सधै शान्ति र बिकासको पक्षमा छु, मैले कन्युनिष्ट व्यवस्था छोडे भन्नु ढुलमुले हो ?’ भट्टराईको प्रश्न छ ।
नेपाली काँग्रेसको प्रति उदार देखिएका भट्टराईले काँग्रेसले पनि पहिले अधिकार प्राप्तीका लागि हतियार उठाएको तर पछि बिर्सजन गरी बिकास समृद्धिको बाटोमा लागेको भन्दै अब मुलकमा कम्युनिष्ट पार्टीले जनताको अपेक्षा पुरा गर्न नसक्ने बताए । काँग्रेस सधै लोकतन्त्रको सच्चा साथी भएकाले उसको सहयात्रा लामो हुने उनको भनाई छ । आफ्ना प्रतिस्पर्धी श्रेष्ठ बिरुद्ध आक्रामक रुपमा प्रस्तुत भएका भट्टराईले जिल्लाको बिकास निर्माणका काममा आफूले नेतृत्व लिन चाएको भन्दै जनतासँग मत मागेका छन् । जनताको विश्वासले मुलकमा एतिहासिक उपलब्धी गर्न सफल भएको भन्दै उनले अब बिकास र समृद्धिका क्षेत्रमा पनि थुप्रै काम गर्ने प्रतिवद्धता दोहो¥याएका छन् ।
