- चार आरोपितलाई स्थानियले प्रहरीलाई बुझायो
कैलासबावु श्रेष्ठ/गोरखा
कार्तिक २० गते । उत्तरी गोरखा चुमनुब्री गाउँ पालिकाको चुम्चेतमा चोरी गर्न गएको एक समूहले पक्राउ पर्ने डरले महिलाको बिभत्स तरीकाले हत्या गरेको छ । हत्यामा संलग्न ४ जनालाई स्थानियले प्रहरीलाई बुझाएको चुम्चेतबाट सेराप गुरुङ्गले टेलिफोन मार्फत जानकारी दिए ।
चुम्चेतकै सोनाम ग्याल्जेन लामा, छेवाङ्ग रिन्जीन लामा, तान्जीङ्ग लामा र सोनाम लामाले गएको १८ गते सनिबार स्थानिय कुन्साङ्ग बिकी लामाको घरमा राती चोरी गर्न जादाँ कुन्साङ्ग लामाले थाहा पाए पछि चोरी गरेको आरोपमा पक्राउ पर्ने डरले चक्कु र खुकुरी प्रहर गरी हत्या गरेको स्थानिय सेराप गुरुले बताए ।
आरोपित चारै जनालाई स्थानियले पक्राउ गरी प्रहरीलाई बुझाएको छ । मृत्यु हुने कुन्साङ्गको टाउँको, घाँटी र पाखुरामा चक्कु र खुकुरी प्रहरले छियाँ छियाँ भएको छ । मृक्तकका श्रीमान घरमा नभएको मौका छोपेर उनीहरु उत्त घरमा चोरी गर्न गएका थिए ।
घटना विवरण अनुसार १९ गते अबेर सम्म पनि घरको मुल द्वार नखुले पछि स्थानियहरु जम्मा भै ढोका फोरी हेर्दा कुन्साङ्गको लास घर भित्र फेला परेको थियो । स्थानियले प्रहरीलाई खबर गरे पछि छेकम्पार देखी आएको प्रहरी टोलीले आरोपित सबैलाई नियन्त्रणमा लिएको थियो ।
मृत्तकका श्रीमान सिकर्मी डकर्मी कामका लागि केही साता देखी छेकम्पारमा नै बस्दै आएका थिए । आरोपित सबै २१ देखी २३ बर्ष सम्मका यूवाहरु रहेका छन् ।
लास लिनका लागि हेली जादै : प्रजिअ
जिल्लाको दुर्गम क्षेत्रमा भएको उत्त घटना पछि लास जाँचका लागि जिल्ला सदरमुकाम ल्याउन असज हुने भए पछि जिल्ला प्रशासन कार्यालयको सहयोगमा गृह मन्त्रालय मार्फत हेली झिकाउने काम भएको प्रमुख जिल्ला अधिकारी जितेन्द्र बस्नेतले बताए ।
घटना पछि आरोपित पनि समातिएको भएता पनि भोली प्रमाण नष्ट हुने र आरोपितले होइन भन्दा मृत्तक परिवारलाई न्याय नहुने भएका कारण लास जाँचका लागि जिल्ला अस्पताल ल्याउन भनिएको तर मृत्तम परिवारको आर्थिक अवस्था कमजोर भएका कारण गृह मन्त्रालयमा लेखी पठाएकोले आज वा भोली सम्ममा लास गोरखा जिल्ला अस्पताल आउने प्रजिअ बस्नेतले बताए ।
जिल्ला सदरमुकाम देखी ४ दिनको पैदल दुरीमा रहेको चुम्चेत गाउँबाट नजिक स्वास्थ्य चौकी नभएका कारण मृत्तक तथा स्थानियले सास्ती ब्यर्होनु परेको हो ।
