नरेन्द्र ढकाल/गोरखा
कार्तिक १९ गते । बिवेकशिल साझा पार्टीका तर्फ बाट गोरखा क्षेत्र नम्बर २ का उम्मेदवार नबराज थापाले सञ्चार माध्यम आफूलाई बेवस्ता गरेको आरोप लगाएका छन् । जिल्ला सदरमुकाममा आयोजित पत्रकार भेटघाट कार्यक्रममा बोल्दै उनले जिल्लाका सञ्चार माध्यममा डाक्टर भट्टराई र नेता श्रेष्ठलाई मात्र प्राथामिकता दिएको भन्दै आक्रोश व्यक्त गरे । ‘बाबुराम र नारायणकाजी मात्र उम्मेदवार हुन ?, म गोरखाली होइन ? म उम्मेदवार हैन, मिडियाका साथीहरुसँग मेरो यो असन्तुष्टि छ ।’ थापाले भने ।
हाल सम्म कुनै औपचारिक कार्यक्रम नगरेको उक्त पार्टीले प्रचारप्रसारका कार्यक्रम पनि त्यती नगरेकोले गतिबिधि कम हुँदा अरु उम्मेदवारको जस्तो चर्चा नभएको सञ्चारकर्मीहरुले बताए पछि उनले भने ‘यत्रो सामाजिक अभियान्ता जनता सामु आईरहेको छ, तपाइँहरुले मेरा कुरा जनतालाई सुनाई दिनुपर्दैन् ।’ डाक्टर भट्टराई बाघ भए आफू डमरु भएको भन्दै उनको अबको ५ वर्षमा देखाईदिने दावी गरे । ‘उनीहरु बाघ हुन भने म डमरु हुँ पाँच वर्षमा डमरु पनि बाघ बन्छ’ थापाले भने ।
उद्यमशिलता विवेकशिल साझा पार्टी मुख्य एजेण्डा भएको भन्दै थापाले आफूले गोरखाको विकासका लागि पर्यटन सँग जोडेर फाईदा लिन सक्ने खालको योजना बनाएर काम गर्ने बताए । थापा पर्यटन व्यवसायी समेत हुन् ।
सोही पार्टीका तर्फबाट गोरखा क्षेत्र नम्बर १ का उम्मेदवार अमृत पुडासैनीले कसैलाई हराउन र जिताउन नभई आफु जित्न उठेको दाबी गरेका छन् । नियम परिर्वतन नभई नियति परिर्वतन गर्नका लागि पुराना नेताको बिरुद्ध आफूहरुले उम्मेदवारी भन्दै पडासैनीले आफूले जित्ने दाबी गरे । ‘हामी जित्छौ भनेर आएका छौ, थोरै मतले पराजित भए पनि मुल्य र मान्यताको जित हुन्छ’ पुडासैनीले भने ‘हामी हारेर पनि जित्न चाहान्छौ, जनताको ठुलो अपेक्षा हामीमा छ ।’
पहिलो पटक चुनावी मैदानमा आएको साझा पार्टीले गोरखाको अमुल्य मतका आधारमा राष्टिूय दल बन्ने समेत दाबी गरेको छ । ‘अरु पार्टीले बाहिर बाट भाडामा मानिस ल्याएर चुनाव प्रचार घरका छन्, हाम्रो घरघरमा संगठन छ’ १ का उम्मेदवार पुडासैनी भने । समाजमा रहेको भष्टूाचार राजनितिक गुण्डागर्दि अन्त्य गर्दै समुन्नत सामाज निर्माणका लागि बिबेकशिल साझा पार्टीले उम्मेदवारी दिएको भन्दै पुडासैनीले धेरै युवाहरुको साथ आफूहरुलाई रहेको बताए । ‘हामी सँग योजना छ, भिजन छ, युवा साथीहरुको साथ सहयोग छ, पक्कै हाम्रो मिसन सफल हुन्छ ’ उनले भने । भर्खरै खुलेको नयाँ पार्टीले चुनाव जित्ने आधार के ? भन्ने पत्रकारहरुको जिज्ञासामा दुबै उम्मेदवारहरुले सामाजिक सञ्जालका प्रयोगकर्ता, विद्यार्थी, पेसाकर्मी र समाजिक अभियान्तहरु नै उक्त पार्टीको मतदाता रहेको दाबी गरे । ‘अरु पार्टीको संगठन गाउँमा मात्र होला हाम्रो त घरघरै सदस्य छन’ उनीहरुले भने । अहिले सदरमुकाममा सम्र्पक कार्यलय खोलेर बसेका उनीहरुले केहि दिनमा चुनावको माहोल बनाउन गाँउ छिर्ने बताएका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए