असार १६, २०७३- फोटो पत्रकार क्लब नेपालले हरेक वर्ष आयोजना गर्दै आएको ग्लोबल आइएमइ बैंक नेपाल फोटो प्रतियोगिताको घोषणा भएको छ । प्रतियोगितामा सहभागिता जनाउनेहरुले असार मसान्तसम्ममा क्लबको आधिकारीक वेबसाइटमा गएर फोटो दर्ता गर्नुपर्ने हुन्छ ।

भूकम्पका कारण अघिल्लो वर्ष स्थागित प्रतियोगिता यो वषदेखि सूचारु गरिएको क्लबले जनाएको छ ।

प्रतियोगितामा विभिन्न ७ विधामा प्रतिस्पर्धा हुनेछ । साउन १२ गते विजयी फोटोहरुको घोषणा हुनेछ ।

भदौं १५ गते विजेतालाई पुरस्कृत गर्दै बबरमहलस्थित नेपाल आर्ट काउन्सिलमा सात विधाका १ सय ६० भन्दा बढी उत्कृष्ट फोटोहरु प्रदशर्नमा राखिने क्लबले जनाएको छ ।

काठमाडौंमा सात दिनको फोटो प्रदर्शनी गरेपछि मोफसलका पाँच स्थानमा पनि प्रदर्शनी गरिने पिजे क्लबका अध्यक्ष विकास कार्कीले जानकारी दिए । उनका अनुसार विराटनगर, धनगढी, नेपालगञ्ज, भैरहवा, पोखरा र चितवनको सौराहामा तीन दिनका दरले प्रदर्शनी गरिनेछ ।

प्रतियोगितामा घुमफिर कल्चर एन्ड टुरिजम, नेपाल टेलिकम वाइल्ड लाइफ एन्ड नेचर, आइएमएस डेली लाइफ, अर्घाखाँची सिमेन्ट न्यूज फोटो, शिखर इन्स्योरेन्स नेपाल स्माइल, मोडल ग्लोबल भिसा कन्सलटेन्सी स्पोर्टस र फोटो स्टोरी गरी सात विधामा प्रतिस्पर्धा हुनेछन् ।