गाेरखा । नेपाल सरकारले प्रधानमन्त्री राष्ट्रिय प्रतिभा पुरस्कार–२०८१ घोषणा गरेको छ । राष्ट्रिय प्रजातन्त्र दिवस २०८१ का अवसरमा टुँडिखेलमा आयोजित मूल समारोहमा पुरस्कार घोषणा गरेको हो ।
विभिन्न बिधामा पुरस्कार घाेषणा गरीएका मघ्य गाेरखाका ३ जनाले पनि पुरस्कार पाउने भएका छन् । पुरस्कार पाउनेहरुमा कीर्तिमानी पर्वतारोही तर्फ गोरखा आरुघाटकी पूर्णिमा श्रेष्ठ, विज्ञान प्रविधितर्फ हरिराम श्रेष्ठ र मानवसेवा तथा समाजसेवातर्फ रामजी अधिकारी छन् ।
उनीहरु सबैलाई विशेष समारोहकाे आयोजना गरी पुरस्काबर प्रदान गरिने भएकाे छ ।
२०७५ सालको मङ्सिर १७ गतेको मन्त्रिपरिषद् बैठकले पुरस्कार स्थापना गर्ने निर्णय गरेको थियो । तत्कालीन प्रधानमन्त्री केपी शर्मा ओलीलाई कोरिया सरकारबाट प्राप्त १ लाख अमेरिकी डलरमा नेपाल सरकारबाट १ करोड रुपैयाँ थप गरी प्रधानमन्त्री राष्ट्रिय प्रतिभा पुरस्कार कोष स्थापना भएको थियो । कोषबाट प्रत्येक वर्ष २ जना प्रतिभालाई जनही ५ लाख रुपैयाँ राशिको पुरस्कार प्रदान गर्ने निर्णय भएको थियो ।
२०७६ सालमा पहिलो पटक २ विधाका ३ प्रतिभालाई पुरस्कार प्रदान गरिएको थियो । त्यसपछि पुरस्कार वितरण भएको थिएन ।